ރާއްޖޭގެ ކަނޑުގެ ސަރަހައްދުގައި ގަވާއިދާ ހިލާފަށް ވަދެ އުޅުނު މަސް ބޯޓެއް ޑްރޯން ބޭނުންކޮށްގެން ހޯދައިފި އެވެ.
އެމްއެންޑީއެފުން ބުނީ އެ ބޯޓު ހޯދީ ސިފައިންގެ އެއާ ކޯ އާއި ކޯސްޓް ގާޑުން ރާއްޖޭގެ ހާއްސަ އިގުތިސޯދީ ސަރަހައްދު ބެލެހެއްޓުމަށް ހިންގި އޮޕަރޭޝަނެއްގައި ކަމަށެވެ.
އޭގެ އިތުރުން އެ ސަރަހައްދުގައި އުޅެނިކޮށް ޑްރޯނުން ލޮކޭޓްކޮށް، އަދި މިހާރު އެ އުޅަނދު ކޯސްޓުގާޑުގެ ބެލުމުގެ ދަށަށް ގެނެސްފައިވާކަމަށްވެސް އެމްއެންޑީއެފުން ބާރުން ބުންޏެވެ.
ބޯޓާ ބެހޭ އިތުރު ތަފުސީލް ހާމަ ނުކުރާތީ އެއީ ކޮން ގައުމެއްގެ ބޯޓެއް ކަމާއި އަދި ބޯޓުގައި ތިބީ ކިތަށް މީހުން ކަމެއް ސާފެއް ނުވެ އެވެ.
ރާއްޖޭގެ ސަރަހައްދުގައި އުޅެނިކޮށް ޑްރޯން ބޭނުންކޮށްގެން މިދިޔަ މަސް ތެރޭގައި ވެސް ވަނީ ބޭރުގެ މަސް ބޯޓެއް ހޯދާފަ އެވެ.
ރާއްޖޭގައި އެއާ ކޯގެ ހިދުމަތް ތައާރަފްކޮށް، ތިން އަސްކަރީ ޑްރޯން އެ ހިދުމަތާ ހަވާލުކޮށްފައި ވަނީ މި އަހަރުގެ މާޗު މަހުގެ 15 ވަނަ ދުވަހު އެވެ.
މި ވަގުތު އެ ޑްރޯންތަކުގެ މައި މަރުކަޒެއްގެ ގޮތުގައި ބޭނުންކުރަމުން އަންނަނީ ނ. މާފަރު އެއާޕޯޓެވެ.
ކޮމެންޓް