ބޭރު ކުރަން އުޅެނިކޮށް ހިފެހެއްޓި 582 ކިލޯގެ މިޔަރާއި މަޑިމަސް ނައްތައިލައިފި
2021: ފުލުހުން ކަނޑު މަތިން ހިފެހެއްޓި ދޯންޏަކުން ބާނާފައިވާ މިޔަރުތަކެއް --
ރާއްޖެއިން ބޭރު ކުރަން އުޅެނިކޮށް ހިފެހެއްޓި ގިނަ އަދަދެއްގެ މިޔަރު، އަދި މަޑިމަސް ނައްތައިލާފައި ކަމަށް ކަސްޓަމްސް އިން ބުނެފި އެވެ.
ކަސްޓަމުން މިއަދު ބުނީ ގާނޫނާއި ގަވާއިދާ ހިލާފަށް ރާއްޖެއިން ބޭރު ކުރަން އުޅެނިކޮށް ހިފެހެއްޓި 582 ކިލޯގެ މިޔަރު އަދި މަޑިމަސް، ނައްތައިލައިފާވާ ކަމަށެވެ.
އެ ތަކެތި މި މަހުގެ 22 ވަނަ ދުވަހު ނައްތައިލީ ކ. ތިލަފުށި ކުނި ނައްތާލާ ސަރަހައްދުގަ އެވެ.
ރާއްޖެއިން ބޭރު ކުރަން އުޅެނިކޮށް ގިނަ އަދަދެއްގެ މިޔަރު އުރަހަ މީގެ ކުރިންވެސް އަތުލައިގެންފައިވެ އެވެ.
ރާއްޖޭގައި ހިމާޔަތްކޮށްފައިވާ މިޔަރުގެ އެއްވެސް ބާވަތެއް ހިފުމާއި ގެންގުޅުމާއި އެކްސްޕޯޓު ކުރުމަކީ ވެސް މަނާ ކަމެކެވެ.
މިޔަރު މަހާއި އުރަހަ އާއި އޭގެ ތެލުގެ ވިޔަފާރި އަކީ ދުނިޔޭގައި ބިލިއަން ޑޮލަރުގެ އިންޑަސްޓްރީ އެކެވެ.
ދިރާސާ ތަކުން ދައްކާ ގޮތުގައި އެ އިންޑަސްޓްރީގެ ސަބަބުން އަހަރެއްގެ މައްޗަށް ގާތްގަނޑަކަށް 100 މިލިއަން މިޔަރު ބާނަ އެވެ.
ކޮމެންޓް