ސިފްކޯ އިން ވޭސްޓް މެނޭޖްމެންޓް ކޯޕަރޭޝަން (ވެމްކޯ) ގެ ފޮޅާ ސާފު ކުރުމުގެ ހިދުމަތް ހޯދުމަށް އެއްބަސްވެ، މިއަދު ސޮއިކޮށްފި އެވެ.
ވެމްކޯގެ "ހޮބާ" ފޮޅާ ސާފުކުމުގެ ހިދުމަތް ހޯދުމަށް ސިފްކޯއާ އެކު މިއަދު ވަނީ އެއްބަސްވުމެއްގައި ސޮއިކޮށްފަ އެވެ.
އެ ކުންފުނިން އަލަށް ފަށައިގެން އުޅޭ ފޮޅާ ސާފު ކުރުމުގެ މި ހިދުމަތް މިހާރު ދެމުން އަންނަނީ ސަރުކާރުގެ އިދާރާތަކާއި އޮފީސް ތަކަށެވެ. އަދި ހިދުމަތަށް އެދޭ މީހުންގެ ޑިމާންޑް ބޮޑުވާ ނަމަ އެ އެ ހިދުމަތް ފުޅާ ކުރަން ނިންމާފައިވެ އެވެ.
ރައީސް ޑރ. މުޙައްމަދު މުއިއްޒުގެ ޒައާމަތުގައި ވެމްކޯގެ މަސައްކަތްތައް ފުޅާކޮށް އިތުރު ހިދުމަތްތައް އަންނަނީ ތައާރަފް ކުރަމުންނެވެ.
އެގޮތުން ރިސޯޓުތަކުގައި އުފެދޭ ކުނި އުކައިދިނުމުގެ އިތުރުން އިމާރާތް ތަޅައިދިނުން ނުވަތަ ޑިމޮލިޝިންގެ ހިދުމަތް ދޭން ވެސް އެ ކުންފުނިން މިހާރު އަންނަނީ ތައްޔާރުވަމުންނެވެ.
ކޮމެންޓް