ތަފާތު ބޮޑު ނަތީޖާއަކުން އާސެނަލް މޮޅުވެ ތިން ވަނައަށް އެރިއިރު ސިޓީގެ ހާލަތު އިތުރަށް ގޯސްވެއްޖެ

އެސްޓަންވިލާއިން ވަނީ ސިޓީ ގާތުގައި ރަނގަޅު ކުޅުމެއް ދައްކާފައި

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުގައި އާސެނަލް ކްރިސްޓަލް ޕެލަސް އަތުން 5-1 އިން މޮޅުވެ، ލީގުގެ ތިން ވަނައަށް އެރިއިރު، އެންމެ ފަހުގެ ޗެމްޕިއަން މެންޗެސްޓާ ސިޓީ އެސްޓަން ވިލާ އަތުން 2-1 އިން ބަލިވެ، އެ ޓީމުގެ ދަށް ހާލަތު އިތުރަށް ގޯސްވެއްޖެއެވެ.

ލީގުގެ އެއް ވަނައިގައި އޮތް ލިވަޕޫލަށް 15 މެޗުން 36 ޕޮއިންޓް ލިބިފައިވާއިރު، ޗެލްސީ ދެ ވަނައިގައި އޮތީ 16 މެޗުން 34 ޕޮއިންޓާ އެކުގައެވެ. އާސެނަލުން 17 މެޗު ކުޅުނުއިރު، އެ ޓީމަށް ވަނީ 33 ޕޮއިންޓް ލިބިފައެވެ.

ހުރިހާ މުބާރާތެއްގައި އެންމެ ފަހުން ކުޅުނު 12 މެޗުގެ ތެރެއިން ނުވަ ވަނަ މެޗުން ބަލިވި ސިޓީ މި ވަގުތު ލީގުގައި އޮތީ 17 މެޗުން 27 ޕޮއިންޓާ އެކު، ހަ ވަނައިގައެވެ. ފަސް ވަނައިގައި އޮތް އެސްޓަން ވިލާ އަށް ވަނީ 17 މެޗުން 28 ޕޮއިންޓް ލިބިފައެވެ.

އާސެނަލްގެ މޮޅުވި މެޗުގައި، ގަބްރިއެލް ޖީސޫސް ދެ ލަނޑު ޖެހިއެވެ. މިއީ ޖެނުއަރީ މަހުގެ ފަހުން ލީގުގައި އޭނާގެ ފުރަތަމަ ގޯލެވެ. އިތުރު ލަނޑުތައް ޖެހީ ކައި ހަވާޓްޒް، ގަބްރިއެލް މާޓިނެލީ އަދި ޑެކްލަން ރައިސްއެވެ.

މެންޗެސްޓާ ސިޓީގެ ބަލިވި މެޗުގައި އެސްޓަން ވިލާގެ ގޮޅްތައް ކާމިޔާބުކޮށްފީފައި ވަނީ ޖޯން ޑުރާން އާއި މޯގަން ރޮޖާސް އެވެ. އަދި ސިޓީގެ ހަމައެކަނި ލަނޑު ޖެހީ ފިލް ފޯޑެންއެވެ.

މި ބަލިވުމާއެކު ސިޓީގެ ދަށް ހާލަތު އިތުރަށް ގޯސްވެ، ޓީމުގެ މުސްތަގުބަލާމެދު ސުވާލު އުފެދިފައިވެއެވެ.

އިނގިރޭސި ޕްރިމިއަރ ލީގު މެންޗެސްޓަރ ސިޓީ އާސެނަލް