ގެދޮރުވެރިޔާ/ބިންވެރިޔާ ސްކީމުގެ ތަހުގީގަށް ބޭނުން ކުރެވޭނެ މައުލޫމާތު ހުރިނަމަ ހިއްސާކުރަން އެދެފި

ކޮމިޝަނާ އޮފް ޕޮލިސް ޢަލީ ޝުޖާޢު

ގެދޮރުވެރިޔާ/ބިންވެރިޔާ ސްކީމާގުޅޭ މައްސަލައިގެ ތަހުގީގުގަށް ބޭނުން ކުރެވިދާނެ ކަމަށް ބެލެވޭ އެއްވެސް މައުލޫމާތެއް ނުވަތަ ހެކީގެ ގޮތުގައި ބޭނުންކުރެވިދާނެ އެއްވެސް ލިޔުމެއް އޮތްނަމަ ފުލުހުންނާ ހިއްސާ ކުރަން އެދެފި އެވެ.

ފުލުހުން ބުނީ އެފަދަ ލިޔުމެއް އޮތް ނަމަ، https://evidence.police.gov.mv އަށް ވަދެ ހިއްސާކުރުމަށް އެދޭ ކަމަށެވެ.

"މައުލޫމާތު ހިއްސާ ކުރައްވާއިރު، އަމިއްލަ މައުލޫމާތު ހާމަނުކޮށް ނުވަތަ ތަހުގީގު ކުރާ ފަރާތް ތަކުން ގުޅަން ބޭނުންވެއްޖެ ހާލަތުގައި ގުޅޭނެ މައުލޫމާތާ އެކު ވެސް ހިއްސާ ކުރެއްވިދާނެ. އަދި، މައުލޫމާތު ހިއްސާކުރައްވާ ފަރާތްތަކުގެ ސިއްރުކަން ހިފަހައްޓާނެ ކަމުގެ ޔަގީންކަން އަރުވަން. ފުލުހުން ބުނެފައިވެ އެވެ.

ގާނޫނުއަސާސީން ޕްރޮސިކިއުޓާ ޖެނެރަލަށް ލިބޭ ބާރުގެ ދަށުން، ފްލެޓާއި ގޯތި ލިބޭ ފަރާތްތައް ކަނޑައެޅުމާއި، ގޯއްޗާއި ފްލެޓް ދޫކުރުމުގައި އަމަލުކޮށްފައިވާ ގޮތުގެ ޖިނާއީ ފުރިހަމަ ތަހުގީގެއް ހިންގުމަށް ޕީޖީ އައްބާސް ޝަރީފް އަމުރު ކުރައްވާފައިވެ އެވެ.

ޕީޖީގެ އެންގެވުމާ އެކު އެ މައްސަލައިގެ ޖިނާއީ ތަހުގީގެއް ފުލުހުން މިހާރު ފަށާފައިވާއިރު، އޭސީސީން ވެސް އަންނަނީ އެ މައްސަލަ ތަހުގީގު ކުރަމުންނެވެ.

ފުލުހުން