މިހާރު އޮތް ސަރުކާރު ހަމަމަގަށް އަޅުވައި ޒިންމާދާރު ކުރުވުގެ މަސައްކަތް އިތުރުކޮށް ފުޅާ ކުރުމުގެ ގޮތުން، މަސައްކަތް ކުރުމަށް އެއްބަސްވާ ހުރިހާ ސިޔާސީ ޕާޓީ ތަކާއި ޖަމުއިއްޔާ ޖަމާއަތްތަކާ އެކު އެއްބަސްވެވޭ ހަމަތަކެއްގެ މަތިން މަސައްކަތް ކުރުމަށް ދަ ޑިމޮކްރެޓްސް އިން ނިންމައިފި އެވެ.
އެ އެ ޕާޓީން މިގޮތަށް ނިންމީ މިދިޔ ބުރާސްފަތި ދުވަހު ބޭއްވި ޕާޓީގެ ނެޝަނަލް އެސެމްބްލީގެ 11 ވަނަ ބައްދަލުވުމުން ފާސް ކުރެވުނު ގަރާރަކުންނެވެ. ގަރާރު ހުށަހެޅުއްވީ ޑިމޮކްރެޓްސް ޕާޓީގެ ނައިބު ރައީސް މުޙައްމަދު ޝިފާޒެވެ.
ޑިމޮކްރެޓްސްގެ ގަރާރުގައި ވަނީ އެ ޕާޓީ އަކީ ސަރުކާރުގައި އޮތް ސިޔާސީ ޕާޓީއެއް ކަމަށް ނުވުމާއި އަދި އޮޕޮޒިޝަން ޕާޓީ އެއްގެ ގޮތުގައި މަސައްކަތް ކުރަމުން ދިޔުމާއި ސަރުކާރު ގަސްތުގައިއާއި އިހުމާލުން ރައްޔިތުންނަށާއި ރާއްޖެއަށް ބޭއިންސާފުވެ، ގެއްލުންބޮޑު އެތައް ކަމެއް ތަކުރާރުކޮށް ކުރަމުން އަންނަ ކަމަށެވެ.
މިގޮތުން ސަރުކާރަށް އައުމުގައި ވެފައިވާ ވައުދު ނުފުއްދުމާއި އަދި ވައުދުތަކާ ހިލާފުވަމުންދާ ކަން ފާހަގަކޮށްފައިވެ އެވެ.
އޭގެ އިތުރުން ރާއްޖޭގެ އިގުތިސާދަށާއި މާލިއްޔަތަށް ގެއްލުންބޮޑު އެތައް ކަމެއް ތަކުރާރު ކުރަމުން ގެންދިއުމާއި ސަރުކާރުގެ ކޮރަޕްޝަނާ ވައްކަން އިތުރުވަމުންދާ ކަމަށް ވެސް ޑިމޮކްރެޓްސްގެ ގަރާރުގައި ވެއެވެ.
ކޮމެންޓް