ހުޅުމާލޭ ހޮސްޕިޓަލަށް ދިވެހި ސްޕެޝަލިސްޓް ޑޮކްޓަރަކު ހޯދަން އިއުލާންކޮށްފި އެވެ.
އެ ހޮސްޕިޓަލަށް ހޯދަނީ ކޮންސަލްޓެންޓް ސްޕެޝަލިސްޓް – ސްޕެޝަލިސްޓް އިން ރޭޑިއޮލޮޖީގެ އެންމެ ޑޮކްޓަރެކެވެ. އެއީ ދާއިމީ މަގާމެކެވެ.
މަގާމަށް ޝައުގުވެރިވާ އަދި ޝަރުތު ފުރިހަމަވާ ސްޕެޝަލިޓުން ކަމާ ގުޅޭ ލިޔުންތައް މި ޑިސެމްބަރު މަހުގެ 19 ވަނަ ދުވަހުގެ މެންދުރުފަހު 2:00ގެެ ކުރިން ހުޅުމާލެ ހޮސްޕިޓަލުގެ އިދާރީ އޮފީހަށް ލިޔުންތައް އީމެއިލް ކުރަންޖެހެ އެވެ.
މި މަގާމަށް ކުރިމަތިލާ ފަރާތަކީ ބެޗެލަ އޮފް މެޑިސިން އަދި ބެޗެލާ އޮފް ސާޖަރީ (އެމްބީބީއެސް) ހަދައި، މޯލްޑިވްސް މެޑިކަލް ކައުންސިލުން ގަބޫލުކުރާ ޓީޗިން ހޮސްޕިޓަލަކުން އެއް އަހަރުގެ އިންޓާންޝިޕް ފުރިހަމަ ކުރައްވާފައިވާ ބޭފުޅަކަށް ވާން ޖެހެ އެވެ.
އޭގެ އިތުރުން މެޑިސިންގެ ދާއިރާ އަކުން ހާއްސަވުމަށްފަހު މެޑިކަލް އޮފިސަރެއްގެ ގޮތުގައި އެއް އަހަރު މަސައްކަތް ކޮށްފައިވާ އަދި މޯލްޑިވްސް މެޑިކަލް ކައުންސިލުން ގަބޫލުކުރާ ބޭފުޅަކަށް ވާން ޖެހެ އެވެ.
ސްޕެޝަލިސްޓް ޑޮކްޓަރަކަށް ހޮވޭ ފަރާތަކަށް އަސާސީ މުސާރައިގެ ގޮތުގައި މަހަކު 32632 ރުފިޔާ، މަގާމުގެ އެލަވަންސްގެ ގޮތުގައި 18689 ރުފިޔާ، އަދި ހާޒިރީ އެލަވަންސުގެ ގޮތުގައި މަސައްކަތަށް ނުކުން ދުހަކަށް 506 ރުފިޔާ ލިބޭނެ އެވެ.
އެހެނިހެން އެލަވަންސުގެ ގޮތުގައި ދިވެހިރާއްޖޭގެ ޕެންޝަނާބެހޭ ގާނޫނުގެ ދަށުން ލިބިދެވޭ ޕެންޝަން ކޮންޓްރިބިޔުޝަން، އަދި ހަމަޖެހިފައިވާ އުޞޫލުން އިތުރުގަޑީގެ ފައިސާ އާއި އެހެނިހެން އިނާޔަތްތައް ދިނުމަށް ހަމަޖެހިފައިވެ އެވެ.
ކޮމެންޓް