ފިސްކަލް ޒިންމާގެ ބިލާއި ދަރަނީގެ ބިލު ރައީސް ތަސްދީގުކުރައްވައިފި
ރައީސުލްޖުމްހޫރިއްޔާ ޑރ. މުހައްމަދު މުއިއްޒު
ދައުލަތުގެ ފިސްކަލް ޒިންމާގެ ބިލާއި ދަރަނީގެ ބިލު ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ތަސްދީގުކުރައްވައިފިއެވެ.
މި ދެ ބިލަކީ ދައުލަތުގެ މާލީ ހާލަތު ހަރުދަނާކޮށް، ދަރަނި މެނޭޖްކުރުމަށް އަމާޒުކޮށްފައިވާ މުހިންމު ދެ ބިލެވެ.
ފިސްކަލް ޒިންމާގެ ބިލަކީ މިހާރު އަމަލުކުރަމުންދާ ދައުލަތުގެ ހަރަދަށް ޒިންމާވުމުގެ ގާނޫނުގެ ބަދަލުގައި ފާސްކުރުމަށް ސަރުކާރުން ރައްޔިތުންގެ މަޖިލީހަށް ހުށަހެޅި ބިލެކެވެ. މި ބިލުގެ މައިގަނޑު މަޤްޞަދަކީ ދައުލަތުގެ ޚަރަދުތައް ހަރުދަނާކޮށް، މާލީ އިންތިޒާމުތައް ހަރުދަނާކުރުމެވެ.
އައު ބިލުގައި ބަޔާންކޮށްފައިވާ ގޮތުގައި، ދަރަންޏަށް ނަގާ ފައިސާ މާކެޓް އިންޓަރެސްޓް ރޭޓުގައި ތިން މަސް ދުވަހުގެ ތެރޭގައި އަނބުރާ ދައްކަންޖެހޭނެއެވެ. މީގެ އިތުރުން، މި ގޮތަށް ފައިސާ ނެގޭނީ މިދިޔަ ތިން އަހަރު ދުވަހު ސަރުކާރުގެ އެވްރެޖް އާމްދަނީން ކޮންމެ އަހަރަކަށް ޖެހޭ އަދަދުގެ 2.5 އިންސައްތައަށް ވުރެ ބޮޑު ނުވާނެ މިންވަރަކަށެވެ.
މިހާރު އަމަލުކުރަމުންދާ ދައުލަތުގެ ޚަރަދަށް ޒިންމާވުމުގެ ގާނޫނުގައި ބަޔާންކޮށްފައިވާ ގޮތުން، ކޭޝް ފްލޯ ހަމަޖެއްސުމަށް މަރުކަޒީ ބޭންކުން ދަރަންޏަށް ފައިސާ ނަގާނަމަ، ނެގޭނީ ތިން އަހަރުގެ އެވްރެޖް އާމްދަނީން އެ އަހަރަކަށް ޖެހޭ މިންވަރުގެ 1 އިންސައްތައަށް ވުރެ ބޮޑު ނުވާނެ އަދަދެކެވެ. އެހެންކަމުން، އައު ބިލުގައި މި އަދަދު 1.5 އިންސައްތަ އިތުރުކޮށްފައިވާކަން ފާހަގަކުރެވެއެވެ.
ނަމަވެސް، ދަރަނި އަނބުރާ ދައްކަންޖެހޭ މުއްދަތު މިހާރުގެ ގާނޫނުގައިވެސް އޮތީ ތިން މަސް ދުވަސްކަން ފާހަގަކުރެވެއެވެ. މި ބިލު ފާސްވުމާއެކު، ދައުލަތުގެ މާލީ ހާލަތު އިތުރަށް ހަރުދަނާވެ، ދަރަނި މެނޭޖްކުރުމުގައި އިތުރު ފުރުޞަތުތަކެއް ލިބިގެންދާނެކަމަށް ބެލެވެއެވެ.
ސިފައިންގެ އަހަރީ ދުވަސް ފާހަގަ ކުރަން ބޭއްވި މަގުމަތީ ހިނގާލުން ރައީސް ޝަރަފުވެރިކޮށްދެއްވައިފި
ރައީސް ދެއްވަނީ ޖާގައާ ވަސީލަތުގެ ގޮތުން އެމްއެންޔޫއަށް ކުރިއެރުން ހޯދަދޭނެ ކަމުގެ ޔަގީންކަން
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ކޮމެންޓް