ފަސް ވަނަ ޙާފިޒަކަށް ޢުމްރާވުމުގެ ފުރުސަތު ދީފި

ޤުރުއާން ހިތުދަސް ކުރާ ޙާފިޒުން ޢުމްރާއަށް ފޮނުވުމަށް ފައްޓަވާފައިވާ މަޝްރޫއުގެ ދަށުން އިތުރު ޙާފިޒަކަށް އެ ފުރުސަތު ދީފި އެވެ.

މި ބިޔަ މަޝްރޫއުގެ ދަށުން މިހާތަނަށް ފަސް ޙާފިޒުންނަށް ފުރުސަތު ދީފައިވާއިރު، ފަސް ވަނަ ފުރުސަތު ދީފައި ވަނީ ގއ. ދެއްވަދޫ، އަސްވާޑް، އަލްޙާފިޡާ ޝަބީނާ އާދަމަށެވެ.

މި މަޝްރޫއުގެ ދަށުން މިހާތަނަށް ފުރުސަތު ދީފައި ވަނީ އަލްޙާފިޡް އަލީ ރައީފް އާއި އަލްޙާފިޡް އާސިރު އާރިފް ޔޫސުފްގެ އިތުރުން އަލްޙާފިޡް އަޛިން މުޙައްމަދު އަދި އަލްޙާފިޡާ ސަޚިއްޔާ އަބްދުލްޢަނީ އަށެވެެ.

އިސްލާމިކް މިނިސްޓްރީން މައުލޫމާތު ދިން ގޮތުގައި ޙާފިޒުންނަށް ޢުމްރާ ދަތުރު ދެމުން ގެންދަނީ ދީލަތި ފަރާތްތަކުން ލިބޭ އެހީތެރިކަމުގެ ތެރެއިންނެވެ.

ޤުރުއާން ހިތުދަސް ކުރާ ޙާފިޒުން ޢުމްރާއަށް ފޮނުވުމުގެ މަޝްރޫއެއް ފެއްޓެވުމަށް ހަމަޖެހިފައިވާކަން ސަރުކާރުން އެންމެ ފުރަތަމަ އިއުލާނު ކުރީ ކީރިތި ޤުރުއާން ކިޔެވުމުގެ 36 ވަނަ ގައުމީ މުބާރާތުގެ ނިންމުން ފާހަގަކުރެއްވުމަށް ޓަކައި ބޭއްވި ރަސްމިއްޔާތުގަ އެވެ.