ވޯލްޑްކަޕް ކޮލިފައިންގެ ދެކުނު އެމެރިކާ ބައްރުގައި ދުނިޔޭގެ ޗެމްޕިއަން އާޖެންޓީނާ އާއި ދެކޮޅަށް ޕެރަގުއޭ ކުޅުނު މެޗުން 2-1 ގެ ނަތީޖާއަކުން ޕެރަގުއޭ އިން ކާމިޔާބުކޮށްފިއެވެ.
މިއީ ޕެރަގުއޭގެ ތާރީޚުގައި ދުނިޔޭގެ ޗެމްޕިއަން އަތުން ވޯލްޑްކަޕް ކޮލިފައިން މެޗެއްގައި އެ ގައުމު މޮޅުވި ފުރަތަމަ ފަހަރެވެ.
މެޗުގެ ފުރަތަމަ ލަނޑު ޖެހީ އާޖެންޓީނާގެ ލައުޓާރޯ މާޓިނޭޒް 11 ވަނަ މިނިޓުގައެވެ. ނަމަވެސް އޭގެ އަށް މިނިޓު ފަހުން ޕެރަގުއޭގެ އެންޓޯނިއޯ ސަނަބްރިއާ ވަނީ ލަނޑެއް ޖަހާ މެޗުގެ ނަތީޖާ އެއްވަރުކޮށްފައެވެ. މެޗުން ޕެރަގުއޭ މޮޅުވި ލަނޑު އެޓީމުން ޖަހާފައި ވަނީ ދެވަނަ ހާފުގައެވެ.
އާޖެންޓީނާ މި މެޗުން ބަލިވި ނަމަވެސް، އަދިވެސް ދެކުނު އެމެރިކާ ބައްރުގެ ކޮލިފައިންގެ އެއްވަނަ ޓީމުގެ ގޮތުގައި އޮތީ އާޖެންޓީނާއެވެ. މިހާތަނަށް އާޖެންޓީނާ ކުޅުނު 11 މެޗުން 22 ޕޮއިންޓާއެކު ތާވަލުގެ އެއްވަނައިގައި އޮތްއިރު ދެވަނައިގައި އޮތް ކޮލަމްބިއާއަށް 10 މެޗުން ލިބިފައިވަނީ 19 ޕޮއިންޓެވެ.
މި މެޗުގައި އާޖެންޓީނާގެ ކެޕްޓަން ލިއޮނެލް މެސީއަށް މާ ރަނގަޅު ކުޅުމެއް ދެއްކޭގޮތް ވަނީ ނުވެފައެވެ. އަދި ޖުމްލަ ގޮތެއްގައި މުޅި އާޖެންޓީނާގެ ފަރާތުންރާތުންވެސް ފެނިފައިވަނީ ދަށް ކުޅުމެކެވެ. ވޯލްޑްކަޕް ކޮލިފައިންގައި ދެން އާޖެންޓީނާ ނިކުންނާނީ އަމިއްލަ ގައުމުގައި ޕެރޫ އާއި ދެކޮޅަށެވެ
ކޮމެންޓް