އެމެރިކާގެ ރިޔާސީ އިންތިޚާބުގެ ވޯޓުލުން ނިމި ވޯޓު ގުނަމުންދަނިކޮށް، ކުރީގެ ރައީސް ޑޮނަލްޑް ޓްރަމްޕް ކާމިޔާބީ އިއުލާންކުރައްވާފިއެވެ.
މިހާތަނަށް ގުނާފައިވާ ވޯޓުތަކަށް ބަލާއިރު، އިލެކްޓޯރަލް ކޮލެޖްގެ 267 އިލެކްޓަރުންގެ ވޯޓު ޓްރަމްޕަށް ލިބިފައިވާއިރު، އޭނާގެ ވާދަވެރިޔާ ކަމަލާ ހެރިސްއަށް ލިބިފައިވަނީ 214 އިލެކްޓަރުންގެ ވޯޓެވެ.
އެމެރިކާގެ ރިޔާސީ އިންތިޚާބު ކާމިޔާބުކުރުމަށް ބޭނުންވަނީ އިލެކްޓޯރަލް ކޮލެޖްގެ 270 އިލެކްޓަރުންގެ ވޯޓެވެ. އެހެންކަމުން، ޓްރަމްޕަށް މިހާރު ބޭނުންވަނީ އިތުރު 3 އިލެކްޓަރުންގެ ވޯޓު އެކަންޏެވެ. އެހެންނަމަވެސް، ކަމަލާ ހެރިސްއަށް އަދިވެސް 56 އިލެކްޓަރުންގެ ވޯޓު ބޭނުންވެއެވެ
އިންތިޚާބުގެ ނަތީޖާ ކަނޑައެޅުމުގައި އެންމެ މުހިންމު ދައުރެއް އަދާކުރާ 7 "ސްވިންގް ސްޓޭޓް" ގެ ތެރެއިން 2 ސްޓޭޓެއްގެ ވޯޓު މިހާރު ވަނީ ޓްރަމްޕް ކާމިޔާބުކުރައްވާފައެވެ. އަދި އިތުރު 2 ސްޓޭޓެއްގައި ޓްރަމްޕް ވަނީ ކުރިއަރާފައެވެ. މި ހާލަތުގައި ކަމަލާއަށް އިންތިޚާބު ކާމިޔާބުކުރެވޭނީ ބާކީ އޮތް 5 ސްޓޭޓް އެއްކޮށް ކާމިޔާބުކުރެއްވިއްޖެނަމައެވެ.
ޕޮޕިއުލަރ ވޯޓަށް ބަލާއިރުވެސް ޓްރަމްޕް ވަނީ ކަމަލާއަށްވުރެ 5 މިލިއަނެއްހާ ވޯޓު ކުރިއަށް ގޮސްފައެވެ. ނަމަވެސް، އެމެރިކާގެ ރިޔާސީ އިންތިޚާބުގައި ރައްޔިތުންގެ ވޯޓަށްވުރެ މުހިންމީ އިލެކްޓޯރަލް ކޮލެޖްގެ ވޯޓެވެ. އެހެންކަމުން، އިންތިޚާބުގެ ފައިނަލް ނަތީޖާ ނިކުންނާނީ ބާކީ އޮތް ސްޓޭޓްތަކުގެ ވޯޓު ގުނައި ނިމުމުންނެވެ.
ކޮމެންޓް