މެންޗެސްޓަރ ޔުނައިޓެޑްގެ ކޯޗުކަމުން އެރިކް ޓެން ހާގް ވަކިކޮށްފި

މެންޗެސްޓަރ ޔުނައިޓެޑްގެ ކޯޗުކަމުން އެރިކް ޓެން ހާގް ވަކިކޮށްފިއެވެ.

ޔުނައިޓެޑްގެ މިނިންމުން މި އައީ ރޭ ރަށުން ބޭރުގައި ވެސްޓް ހެމް އަތުން 2-1 އިން އެޓީމު ބަލިވެފައި އޮއްވަ އެވެ. ހޮލެންޑްގެ މި ކޯޗު މެންޗެސްޓަރ ޔުނައިޓެޑްގައި ހޭދަކުރީ ދެ އަހަރާއި ބައިގެ މުއްދަތެކެވެ.

Go back

މި ސީޒަނުގައި މެންޗެސްޓަރ ޔުނައިޓެޑްގެ ފޯމް ދަށްވުމާ ގުޅިގެން ޓެން ހާގް ވަކިކުރުމުގެ މަޝްވަރާތައް ކުރެވެމުންދާތާ ދުވަސްކޮޅެއް ވެއްޖެއެވެ. މުޅި ސީޒަނުގައި ކުޅުނު 14 މެޗުގެ ތެރެއިން އެ ޓީމު މޮޅުވެފައިވަނީ އެންމެ ހަތަރު މެޗުންނެވެ. މީގެ ތެރެއިން ލީގުގައި ކުޅުނު ނުވަ މެޗުގެ ތެރެއިން މޮޅުވެފައިވަނީ އެންމެ ތިން މެޗުންނެވެ.

ޓެން ހާގް ވަކިކުރުމާ ގުޅިގެން ވަގުތީ ކޯޗެއްގެ ގޮތުގައި ވެން ނިސްޓަލްރޫއި ހަމަޖައްސާފައިވެއެވެ. ނިސްޓަލްރޫއި އަކީ ކުރިން މެންޗެސްޓަރ ޔުނައިޓެޑަށް ކުޅެފައިވާ ކުޅުންތެރިއެކެވެ. އަދި މި ސީޒަނުގައި އޭނާ ހުރީ ޓެން ހާގްގެ އެސިސްޓަންޓް ކޯޗެއްގެ ގޮތުގައެވެ.

ޓެން ހާގްގެ ކޯޗުކަމުގައި މެންޗެސްޓަރ ޔުނައިޓެޑުން ވަނީ އެފްއޭ ކަޕާއި ލީގު ކަޕްގެ ޗެމްޕިއަންކަން ހޯދާފައެވެ.