މޯލްޑިވްސް ރިފޯމް މޫވްމަންޓް އެމްއާރްއެމް) އުވާލުމާ ގުޅޭ މަސައްކަތްތައް ފަށާފައިވާ ކަމަށް އިލެކްޝަން ކޮމިޝަން އީސީ) އިން ބުނެފި އެވެ.
އެ ކޮމިޝަނުން މިއަދު ނެރުނު އިއުލާނެއްގައި ބުނީ ކުރީގެ ރައީސް މައުމޫން އަބްދުލް ގައްޔޫމް އިސްކޮށް ހުންނަވައިގެން އުފެއްދެވި ޕާޓީ، ސިޔާސީ ޕާޓީގެ ގާނޫނުގެ 30 ވަނަ މާއްދާގެ (ހ) ގެ 1 ވަނަ ނަންބަރުގައިވާ ގޮތުގެ މަތީން އުވާލުމުގެ މަސައްކަތް މިހާރު ކުރިއަށްދާ ކަމަށެވެ.
އެހެންވެ އެމްއާރްއެމް އިން އަދާކުރަން ޖެހޭ ދަރަންޏެއްވާ ނަމަ އަންނަ މަހުގެ 10 ގެ ނިޔަލަށް، އެ ޕާޓީގެ އޮފީހަށް ހުށަހަޅައިގެން ނިންމުމަށް އީސީން އިލްތިމާސްކޮށްފައިވެ އެވެ.
އެމްއާރްއެމް އުވައިލަން ނިންމީ ސިޔާސީ ޕާޓީތަކުގެ ޤާނޫނުގައި ބުނާ 3،000 މެންބަރުން އެ ޕާޓީގައި ހަމަނުވާތީ އެވެ. އެކަމާ ހެދި އެކި ފަހަރު މަތިން މެންބަރުން ހަމަކުރަން އިސީން ނޯޓިސް ވެސް ދީފައިވެ އެވެ.
ކޮމެންޓް