ރައީސް މުއިއްޒުގެ އދ. ދަތުރަށް ހަރަދުވީ 2.4 މިލިއަން ރުފިޔާ

ރައީސް މުއިއްޒު އދ.އަށް ފުރައިވަޑައިގެންނެވުމުގެ ކުރިން

ރައީސް މުހައްމަދު މުއިއްޒު މިދިޔަ މަހު އެމެރިކާގެ ނިއު ޔޯކަށް ކުރެއްވި ދަތުރުފުޅަށް 2.4 މިލިއަން ރުފިޔާ ހަރަދުވެފައިވާ ކަމަށް ރައީސް އޮފީހުން މިއަދު ހާމަކޮށްފިއެވެ.

ރައީސް ނިއު ޔޯކަށް ދަތުރުފުޅު ކުރެއްވީ އދ.ގެ އާންމު މަޖިލީހުގެ 79 ވަނަ ސެޝަންގައި ތަގުރީރުކުރެއްވުމަށް މިދިޔަ މަހުގެ 20 އިން 29 އަށެވެ.

ރައީސް އޮފީހުން ފާހަގަކޮށްފައިވާ ގޮތުގައި، މިދިޔަ ރިޔާސީ ދައުރުގައި އދ.ގެ އެންމެ އިސްވެރިންގެ ބައްދަލުވުމުގައި ބައިވެރިވެވަޑައިގަތުމަށް އޭރުގެ ރައީސް އިބްރާހިމް މުހައްމަދު ސޯލިހް ކުރެއްވި ދަތުރުފުޅުތަކާ އަޅާބަލާއިރު މި ފަހަރުގެ ދަތުރުފުޅުގެ ހަރަދު ވަރަށް ބޮޑުތަނުން ކުޑަކުރެވިފައިވެއެވެ.

2019 ގެ ދަތުރުފުޅަށް 4.1 މިލިއަން ރުފިޔާ އަދި 2021 ގެ ދަތުރުފުޅަށް 5.3 މިލިއަން ރުފިޔާ ހަރަދުވެފައިވާއިރު، މި ފަހަރުގެ ދަތުރުފުޅަށް ހަރަދުވެފައިވަނީ 2.4 މިލިއަން ރުފިޔާއެވެ.

ރައީސް ޑރ މުޙައްމަދު މުޢިއްޒު ރައީސް އޮފީސް