ޖަލުގައި މަސައްކަތްކުރާ ގައިދީންގެ ހުކުމުން ދުވަހެއް އުނިކުރަން ނިންމައިފި
ހޯމް މިނިސްޓަރު އަލީ އިހުސާން
ޖަލުގައި ގައިދީން މަސައްކަތްކުރާ ކޮންމެ ދުވަހަކަށް، އެ މީހުންގެ ހުކުމުން ދުވަހެއް އުނިކުރާ ގޮތަށް ނިންމާފައިވާ ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެއެވެ.
މާފުށީ ޖަލުގައި އަލަށް ހުޅުވުނު "ސަގާފީ އަވަށް" ހުޅުވުމުގެ ރަސްމިއްޔާތުގައި ވާހަކަދައްކަވަމުން، މިނިސްޓަރު އިހުސާން ވިދާޅުވީ މި ނިންމުމަކީ ރައީސް ޑރ. މުހައްމަދު މުއިއްޒުގެ ނިންމެވުމެކެވެ. ރައީސްގެ އިރުޝާދަކީ، ޖަލުގައި ހޭދަކުރާ ކޮންމެ ދުވަހަކީ ވެސް، ފަންނުވެރި މަސައްކަތެއް ދަސްކޮށްގެން، އާމްދަނީ ލިބޭނެ ގޮތެއް ހޯދައިގެން ގައިދީން ވީ އެންމެ އަވަހަކަށް ޖަލުން ނުކުމެވޭނެ ގޮތެއް ބެލުމެވެ.
އިހުސާން ވިދާޅުވީ ޖަލުގެ ތޭރިތަކުގެ ތެރޭގައި ގިނަ ދުވަހު ބެހެއްޓުމަކީ ބޭނުންވާ ގޮތް ނޫން ކަމަށެވެ. "ޖަލަށް ވަނުމާއެކު ގައިދީގެ އިސްލާހީ މަސައްކަތް އެ ފެށުނީ. ދެން ކުރަން ޖެހޭނީ ބޭނުންތެރި ދިވެއްސެއްގެ ގޮތުގައި އަނބުރާ މުޖުތަމައުގެ ގޮތުގައި ނުކުމެ، ގައުމު ތަރައްގީ ކުރުމުގެ މަސައްކަތް," އޭނާ ވިދާޅުވިއެވެ.
ކުރިއަށް އޮތްތަނުގައި ކަރެކްޝަންސް އިން ޕްރޮޓޮކޯލްތަކާއި ރިހިބިލިޓޭޝަން ޕްރޮގްރާމްތައް ބައްޓަން ކުރާނީ މި މަގްސަދު ހާސިލުވާ ގޮތަށް ކަމަށް މިނިސްޓަރު ވިދާޅުވިއެވެ.
ސަގާފީ އަވަށުގައި ގައިދީން ތައްޔާރުކުރާ ތަކެތި މާފުއްޓާއި އެއާޕޯޓުގައި ވެސް ޓޫރިސްޓުންނަށް ވިއްކައި އެއިން ބައެއް އާމްދަނީގެ ގޮތުގައި ގައިދީންނަށް ދޭން ނިންމާފައިވާ ކަމަށް އިހުސާން ވިދާޅުވިއެވެ. އަދި ކުރިއަށް އޮތްތަނުގައި ޖަލުތައް ފެންނާނީ، ވަރަށް ހަރަކާތްތެރި، އުފެއްދުންތެރި ތަންތަނުގެ ގޮތުގައި ކަމަށްވެސް އޭނާ ވިދާޅުވިއެވެ.
މިނިސްޓަރު އިހުސާން އިތުރަށް ވިދާޅުވި ގޮތުގައި، ކޮންމެ އަހަރަކު ވެސް އެތައް ހާސް މީހުން ޖަލަށް ވައްދާއިރު އެއީ ވަރަށް ބޮޑު ހަރަދެއް ކަމަށާއި، މަހެއްގެ މައްޗަށް ކޮންމެ ގައިދީއަކަށް 27،000 ރުފިޔާ ހަރަދުވާ ކަމަށެވެ. މި ކަމަށް ހައްލެއް ގެނައުމަށް ރައީސް ނިންމާފައިވަނީ، މާލެ ސަރަހައްދުގައި އާ ޖަލެއް ގާއިމުކުރުމަށް ކަމަށާއި، މި ޖަލު އަޅާނީ މާލެ ސަރަހައްދުގައި ހިއްކާ ބިމެއްގައި ބްރިޖުން ދަތުރުކޮށްފައި ދެވޭ ހިސާބެއްގައި ކަމަށެވެ. އުއްމީދަކީ ތިން އަހަރުގެ ތެރޭގައި އެތަން ނިންމައި ބޭނުން ކުރެވޭ ވަރުވުން ކަމަށާއި، އޭރުން ގައިދީންނަށް ކުރާ ހަރަދު ކުޑަވެ، ބޮލަކަށް ޖެހޭވަރު 17،000 ރުފިޔާއަށް މަދުކުރެވޭނެ ކަމަށް އިހުސާން ވިދާޅުވިއެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް