މަޖިލީހުގެ ފުރަތަމަ ދަައުރު: ޒުވާން މެމްބަރު އަފޫގެ މަސައްކަތަށް ސަތޭކަ!

20 ވަނަ ރައްޔިތުންގެ މަޖިލީހުގެ ފުރަތަމަ ދަޢުރު ނިންމާލައިފިއެވެ.

މަޖިލީހުން އާއްމުކޮށްފައިވާ ތަފާސް ހިސާބަށް ބަލާއިރު، މި ދައުރު ވަނީ ޖުމްލަ 33 ޖަލްސާއެއް ބާއްވާފައެވެ.

ކެނދިކުޅުދޫ ދާއިރާގެ މެމްބަރުގެ ހައިޞިއްޔަތުން މުޙައްމަދު އަފޫ ޙާމިދު ވަނީ ދާއިރާގެ ރައްޔިތުންގެ ހައްޤުގައި މުޙިއްމު މަސައްކަތްތަކެއް ކުރައްވާފައެވެ.

އެގޮތުން މަޖިލީހުގެ ފުރަތަމަ ދައުރުގެ ހުރިހާ ޖަލްސާތަކަށް ޤަވާއިދުން ހާޟިރުވެ، ހުރިހާ ކޮމެޓީ ބައްދަލުވުންތަކަށްވެސް ވަނީ ހާޟިރުވެފައެވެ.

އަފޫ ހިމެނިވަޑައިގަންނަވާ ރައްޔިތުންގެ އިޤްތިޞާދީ ކޮމެޓީންވެސް ވަނީ މުޙިއްމު މަސައްކަތްތަކެއް ކުރައްވާފައެވެ.

ފޮރިން އިންވެސްޓްމެންޓް ބިލާއި، ވިޔަފާރި ރެޖިސްޓްރީ ކުރުމުގެ ގާނޫނަށް އިސްލާހު ގެނައުމުގެ ބިލާ އަދި ދިވެހިރާއްޖޭގެ މާލީ ސެކިއުރިޓީސް އާ ބެހޭ ގާނޫނަށް އިސްލާހު ގެނައުމުގެ ބިލު ދިރާސާ ކުރުމުގެ މަސައްކަތް އިގުތިސޯދީ ކޮމިޓީން ނިންމާ ތަޅުމަށް ފޮނުވަން ވަނީ ފާަސްކޮށްފައެވެ.

މާލީ ސެކިއުރިޓީގެ ބިލް ސްޕޮންސަރ ކުރެއްވި މެމްބަރަކީވެސް އަފޫއެވެ.މި ބިލަކީ ވިޔަފާރި ރަޖިސްޓްރީކުރުމުގެ ގާނޫނާ އެއްގޮތްވާ ގޮތުގެ މަތިން ބޭރުގެ ފަރާތްތަކަށް ރާއްޖޭގައި ހުއްދަކުރެވޭ ސެކިއުރިޓީޒްގެ ބާވަތްތަކުގައި އިންވެސްޓް ކުރެވޭނެ އުސޫލުތައް ކަނޑައެޅުމަށްޓަކައި މާލީ ސެކިއުރިޓީސް އާ ބެހޭ ގާނޫނަށް ގެންނަން ޖެހޭ އިސްލާހުތައް ބަޔާކޮށްފައިވާ ބިލެކެވެ.

މި ބިލަށް އަފޫ ތިން އިސްލާހެއް ހުށަހެޅިއިރު އެ ތިން އިސްލާހުވެސް ފާސްވި އެވެ.

އެއަށް ފަހު ފޭދޫ އުތުރު ދާއިރާގެ ކޮންގްރެސް ޕާޓީގެ މެމްބަރު އިސްމާއީލް ނިޒާރު ހުށަހެޅީ އެ ތިން ބިލަށް ކޮމިޓީން ގެނައި ބަދަލުތަކާ އެކު ފާސް ކުރުމަށެވެ. އޭނާގެ އެ ހުށަހެޅުމަށް ތާއީދު ކުރެއްވީ މައްޗަންގޮޅި މެދު ދާއިރާގެ މެމްބަރު އަހްމަދު ޒަމީރެވެ.

އެގޮތަށް ފާސް ކުރުމަށް ފެނޭތޯ ވޯޓަށް އެހުމުން ކޮމިޓީއަށް ހާޒިރުވެ ތިއްބެވި ހަ މެމްބަރުންގެ ތެރެއިން ފަސް މެމްބަރުންގެ އިއްތިފާގުން އެ ހުށަހެޅުން ވަނީ ފާސްކޮށްފަ އެވެ. އެއާއެކު ތިން ބިލުގެ ކޮމިޓީ މަރުހަލާ ވަނީ ނިންމާލާފަ އެވެ.