ބުޅާ މަހުން ކާބޯތަކެތި ތައްޔާރުކުރާ ކަމަށް ބުނާ ބިދޭސީއަކު އިމިގްރޭޝަނަށް ހާޒިރުވުމަށް އަންގައިފި
ބިދޭސީ މީހާ އިމިގްރޭޝަނަށް ހާޒިރުވުމަށް އަންގައި އެިދާރާއިން ވަނީ ނޯޓިސްނެރެފައި
ބުޅާމަސް ބޭނުންކޮށްގެން ކާބޯތަކެތި ތައްޔާރުކުރާކަމަށް ތުހުމަތު ކުރެވިފައިވާ ބަންގްލަދޭޝްގެ ރައްޔިތެއްކަމަށްވާ އަރަފާތު ހޮސައިން ހޯދުމަށް މޯލްޑިވްސް އިމިގްރޭޝަނުން ނޯޓިސް ނެރެފިއެވެ
މޯލްޑިވްސް އިމިގްރޭޝަނުން މިއަދު ބުނީ، މި ބިދޭސީއާ ގުޅޭގޮތުން "އިމިގްރޭޝަން ވޮޗް" އަށް ލިބިފައިވާ މަޢުލޫމާތާ ގުޅިގެން އެ ތަނަށް ޒިޔާރަތްކުރި ކަމަށެވެ. ނަމަވެސް އޭނާ އެތަނުން ފެނިފައި ނުވާތީ، އިމިގްރޭޝަނަށް ހާޒިރުވުމަށް އަންގާ ނޯޓިސްއެއް ނެރެފައިވާ ކަމަށް އިމިގްރޭޝަނުން ބުނެފައިވެއެވެ
މި މައްސަލައާ ގުޅިގެން އާންމުވެފައިވާ ވީޑިއޯއެއްގައި ބުނެފައިވަނީ، މި ބިދޭސީއަކީ ބުޅާ މަހުން ކާބޯތަކެތި ތައްޔާރުކޮށްގެން ރަޖިސްޓްރީ ކުރުމެއް ނެތި ވިޔަފާރި ކުރަމުންދާ މީހެއް ކަމަށެވެ. އޭނާ ދިރިއުޅޭ ގޭގައި އުޅޭ އެހެން ދިވެހިން ދީފައިވާ މަޢުލޫމާތުގައި ވަނީ އެ ސަރަހައްދުން ބުޅަލުގެ އެކި ގުނަވަންތައް ފެނިފައިވާ ކަމަށާއި، ބުޅާ ރޯ އަޑު އިވިފައިވާ ކަމަށެވެ.
ކޮމެންޓް