މަތީ ތައުލީމާއި މަސައްކަތްތެރިކަމާއި ހުނަރުތައް ތަރައްގީކުރުމާ ބެހޭ ވުޒާރާއާއި ޖަޕާން އިންޓަރނޭޝަނަލް ކޯޕަރޭޝަން (ޖޭއައިސީއޭ) އާ ދެމެދު "ޕްރޮޖެކްޓް ފޮރ ހިއުމަން ރިސޯސް ޑިވެލޮޕްމަންޓް" ސްކޮލަރޝިޕް އެއްބަސްވުމުގައި ސޮއިކޮށްފިއެވެ.
މި އެއްބަސްވުމުގެ ދަށުން، ޖަޕާނު ސަރުކާރުގެ ހަރަދުގައި ދިވެހި ސަރުކާރުގެ 24 ސިވިލް ސާރވިސް މުވައްޒަފުންނަށް ޖަޕާނުގެ ޔުނިވާސިޓީތަކުގައި މާސްޓަރސް ޑިގްރީ ހެދުމުގެ ފުރުސަތު ލިބިގެންދާނެއެވެ. މިއީ 4 އަހަރަށް އައު ކުރެވުނު އެއްބަސްވުމެކެވެ.
ވޭތުވެދިޔަ ހަތަރު އަހަރުގައި މި އެއްބަސްވުމުގެ ދަށުން 22 ދަރިވަރުން ވަނީ މަތީ ތައުލީމު ހާސިލުކޮށްފައެވެ.
މި ރަސްމިއްޔާތުގައި ވާހަކަފުޅު ދައްކަވަމުން ވަޒީރު ޑރ. މަރްޔަމް މާރިޔާ ވިދާޅުވީ މި ސްކޮލަޝިޕަކީ ރާއްޖޭގެ ހުނަރުވެރި މުވައްޒަފުންނަށް ލިބޭ މުހިންމު ފުރުސަތެއް ކަމަށާއި، މިއީ ރާއްޖޭގެ މުސްތަޤްބަލް ބިނާކުރުމަށް ކުރިއަށްގެންދެވޭ ޕްރޮޖެކްޓެއް ކަމަށެވެ.
މި އެހީގެ ދަށުން މިއަހަރު އިތުރު 6 ސްކޮލަރޝިޕް ދޭނެއެވެ. މިހާރުވެސް ގިނަ އަދަދެއްގެ ދަރިވަރުން ޖަޕާނުގައި ކިޔަވަމުންދާއިރު، ކިޔަވައި ނިންމާފައިވާ ބައެއް ފަރާތްތައް ވަނީ ރާއްޖެއަށް އެނބުރި އައިސް ޚިދުމަތްކުރަން ފަށާފައެވެ.
ކޮމެންޓް