ޣައްޒާގެ ސިއްހީ މިނިސްޓްރީން ބުނާ ގޮތުގައި އިސްރާއީލުގެ ހަމަލާތަކުގައި 40،000 އަށްވުރެ ގިނަ ފަލަސްތީނުން ވަނީ މަރުވެފައިވެއެވެ. އަދި މީގެ އިތުރުން ވަރަށް ގިނަ މީހުން ވަނީ ވެއްޓިފައިވާ އިމާރާތްތަކުގެ ތެރޭގައި ވަޅުލެވި، ބަލިމަޑުކަމުގެ ނުރައްކަލާވެސް ކުރިމަތިލާން ޖެހިފައެވެ.
އިޒްރޭލުގެ ހަނގުރާމަވެރި މަތިންދާބޯޓުތަކުން ހަމަދު ސިޓީއަށް ހަމަލާދެމުން ދާއިރު، ޣައްޒާގެ ދެކުނުގައިވާ ޚާން ޔޫނިސްގެ މީހުން ދިރިއުޅޭ އިމާރާތްތަކަށް ބޮޑުބަޑިން ހަމަލާދެއެވެ. މިއީ ވޭތުވެދިޔަ 24 ގަޑިއިރުގެ ތެރޭގައި ފަލަސްޠީނު ސަރަޙައްދުގެ އެކި ކަންކޮޅުތަކަށް ދެވުނު ހަމަލާތަކުގައި ގިނަ އަދަދެއްގެ މީހުން މަރުވުމަށްފަހުގައެވެ.
އެމެރިކާ އާއި އިސްރާއީލުން ޤަތަރަށް މަންދޫބުން ފޮނުވަނީ މިއަދުގެ ފަހު ވަގުތެއްގައި ފެށުމަށް ހަމަޖެހިފައިވާ ހަނގުރާމަ ހުއްޓުވުމާ ބެހޭ މަޝްވަރާތަކާ ގުޅިގެންނެވެ . މި މަޝްވަރާތަކުގެ ފަހުން، އިސްރާއީލުން ހުށަހަޅާފައިވާ ހަނގުރާމަ ހުއްޓުވުމުގެ ހުށަހެޅުންތަކަށް ސީރިއަސް ޖަވާބެއް އޮތްތޯ ބެލުމަށް ބައްދަލުވުމަކަށް ތައްޔާރަށް ތިބޭނެކަމަށް ހަމާސްއިން މެދުވެރިންނަށް އަންގާފައިވެއެވެ.
މިއަދު އޮކިއުޕައިޑް ވެސްޓް ބޭންކުގެ ބަލާޓާ ރެފިއުޖީ ކޭމްޕަށް އިސްރާއީލުގެ ޑްރޯނަކުން ދިން ހަމަލާއެއްގައި ދެ ފަލަސްޠީނު މީހުން މަރުވެ، އިތުރު ބަޔަކަށް އަނިޔާވެފައިވެއެވެ. އަދި އިއްޔެ ޓޫބާސް ގަވަރނޮރޭޓުގައި އިސްރާއީލުގެ ސެކިއުރިޓީ ބާރުތަކުން ފަސް މީހުން މަރާލައިފައިވެއެވެ.
އިޒްރޭލުން ޣައްޒާއަށް ކުރަމުންދާ ހަނގުރާމައިގައި މަދުވެގެން 40,005 މީހުން މަރުވެ، 92,401 މީހުން ޒަޚަމްވެފައިވެއެވެ.
ކޮމެންޓް