ވޯލްޑް ބޭންކުގެ ވަފުދަކުން މިހާރު ރާއްޖެއަށް ކުރަމުން އަންނަ ދަތުރުގެ ތެރެއިން ފިނޭންސް މިނިސްޓަރު ހަސަން ޒަރީރުއާ ބައްދަލު ކުރައްވައިފި އެވެ.
އެ ބައްދަލުވުމުގައި ބައިވެރިވީ ވޯލްޑް ބޭންކުގެ ފަރާތުން ރާއްޖެއާ ނޭޕާލް، އަދި ސްރީލަންކާ ޑިވިޝަން ޑިރެކްޓަރު ޑޭވިޑް ސިސްލެން އާއި ރާއްޖެ އަދި ސްރީ ލަންކާގެ ކަންޓްރީ މެނޭޖަރު ގެވޯގް ސާގްސިޔާނެވެ.
ފިނޭންސް މިނިސްޓްރީން ބުނީ އިއްޔެ އޮތް އެ ބައްދަވުމުގައި މައިގަނޑު ގޮތެއްގައި މަޝްވަރާކުރީ ރާއްޖެއާ ވޯލްޑް ބޭންކާ ދެމެދު އޮތް ގުޅުން އިތުރަށް ބަދަހި ކުރުމާއި ދެ ފަރާތަށް ވެސް ފައިދާ ހުރި ތަރައްގީގެ އެކި މަޝްރޫއުތައް ކުރިއަށް ގެންދިޔުމާބެހޭ ގޮތުން ކަމަށެވެ.
މީގެ އިތުރުން ތަރައްގީގެ މަޝްރޫއުތަކަށް ބޭނުންވާ މާލީ އެހީތެރިކަން ހޯދޭނެ ފުރުސަތުތައް ފުޅާ ކުރުމާއި ޕްރިވެޓް ސެކްޓާ ކުރިއެރުވުމާ ބެހޭގޮތުން ވެސް ދެ ފަރާތުން ހިޔާލުކޮށް މަޝްވަރާކުރި އެވެ.
މިނިސްޓްރީން ބުނީ މި ކަންކަމުގެ އިތުރުން ރާއްޖޭގެ ގައުމީ ތަރައްގީގެ އަމާޒުތަކާ ގުޅުންހުރި ބޮޑެތި މަޝްރޫއުތައް ތަންފީޒު ކުރުމުގެ ކަންކަން އަވަސް ކުރުމަށް ވެސް އެ ބައްދަވުމުގައި މަޝްވަރާކުރި ކަމަށެވެ.
ކޮމެންޓް