ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރާއްޖެއިން ގަތަރަށާއި އެކުވެރި އަރަބި އިމާރާތަށް ކަނޑައަޅައި ސަފީރުން މިއަދު އައްޔަން ކުރައްވައިފި އެވެ.
އެގޮތުން ރައީސް، ގަތަރަށް ރާއްޖެއިން ކަނޑައަޅާފައި ހުންނަ ސަފީރު ކަމަށް، އައްޔަން ކުރެއްވީ ރ. ފައިނު، ޗަމަން، އާދަމް ޝަރީފު އުމަރެވެ.
އެކުވެރި އަރަބި އިމާރާތަށް ރާއްޖެއިން ކަނޑައަޅާފައި ހުންނަ ސަފީރު ކަމަށް އައްޔަން ކުރެއްވީ ގ. ނޫމަރާހިޔާ، ތޯރިގު އިބްރާހީމް އެވެ.
ސަފީރުންނަށް މަގާމުގެ ފަތްކޮޅު ރައީސް ޑރ. މުއިއްޒު ދެއްވީ، މިކަމަށް ޓަކައި މިއަދު ހެނދުނު ރައީސް އޮފީހުގައި ބޭއްވި ރަސްމިއްޔާތެއްގަ އެވެ.
ކޮމެންޓް