ރާއްޖެއިން ބޭރުގައި ކިޔަވާ ދަރިވަރުންގެ ވިސާއަށް ފައިސާ ދެއްކުމަށް ކާޑަށް ލިމިޓެއް ދިނުމަށް ބޭންކް އޮފް މޯލްޑިވްސް (ބީއެމްއެލް) އިން ނިންމައިފި އެވެ.
ބީއެމްއެލުން ބުނީ ރާއްޖެއިން ބޭރުގައި ކިޔަވާ ދަރިވަރުންނަށް ބޭރު ފައިސާ ހަމަޖައްސައި ދިނުމަށް ޓަކައި މޯލްޑިވްސް މަނިޓަރީ އޮތޯރިޓީ، އެމްއެމްއޭގެ އެހީތެރިކަމާ އެކު މިއަދުން ފެށިގެން ހުރިހާ ދަރިވަރުންނަށް ވިސާއަށް ފައިސާ ދެއްކުމަށް ލިމިޓެއް ދިނުމަށް ނިންމާފައިވާ ކަމަށެވެ. މި ލިމިޓް ލިބޭނީ ދަރިވަރުން އެކަމަށް އެދި ބޭންކަށް ހުށަހެޅުމުންނެވެ.
ބީއެލްއެލުން ވަނީ ރާއްޖެއިން ބޭރުގައި ކިޔަވާ ދަރިވަރުންނަށް ބޭނުންވާ ޓިއުޝަން ފީ އަދި ދިރިއުޅުމުގެ ހަރަދުތަކަށް ބޭނުންވާ ބޭރު ފައިސާ ލުއިފަސޭހަ ކަމާއެކު ލިބޭނެ އިންތިޒާމް ހަމަޖައްސައިދީފަ އެވެ.
އެގޮތުން ބޭރު ފައިސާއިން މުއާމަލާތް ކުރުމަށް ރުފިޔާ ކާޑަށް މަހަކު 1،200 ޑޮލަރު ލިމިޓެއް ކަނޑައަޅާފައިވެ އެވެ. މީގެ އިތުރުން ދަރިވަރުންގެ ނުވަތަ ބެލެނިވެރިޔާގެ ރުފިޔާ އެކައުންޓުން ޓިއުޝަން ފީ އާއި ކިޔެވުމާ ގުޅުން ހުރި އެހެނިހެން ހަރަދުތަކަށް ޓެލެގްރަފިކް ޓްރާންސްފާ (ޓީޓީ) މެދުވެރިކޮށް ފައިސާ ފޮނުވޭނެ އެވެ.
ކޮމެންޓް