ދާދިފަހުން ރިލީޒްކުރި ހިންދީ ފިލްމު “ޙައްޤު” އަކީ މުޖުތަމަޢުގައި ހުރި ނުތަނަވަސް ކަންތައްތަކާއި އަންހެނުންގެ ޙައްޤުތަކާ ގުޅޭގޮތުން އުފައްދާފައިވާ، ފިލްމެކެވެ.
ފިލްމަކީ ހަޤީޤީ ހާދިސާއެއްގެ މައްޗަށް ބިނާކޮށް ތައްޔާރުކޮށްފައިވާ ފިލްމެކެވެ.ފިލްމްގެ މައިގަނޑު ރޯލުތަކުން ފެނިގެންދަނީ ބޮލީވުޑްގެ މަޝްހޫރު ތަރިން ކަމަށްވާ އިމްރާން ހާޝްމީ އާއި ޔާމީ ގޯތަމް އެވެ. އިމްރާން ކުޅެފައިވަނީ އެޑްވޮކޭޓް މުޙައްމަދު އައްބާސް ޚާންގެ ރޯލެވެ. އޭނާގެ ފުރަތަމަ އަނބިމީހާ، ޝާޒިޔާ ބާނޯގެ ރޯލުން ފެނިގެންދަނީ ހުނަރުވެރި ބަތަލާ ޔާމީ އެވެ.
“ޙައްޤު” ސިނަމާތަކުގައި ރިލީޒްކޮށްފައިވަނީ 7 ނޮވެމްބަރު 2025 ގައެވެ. މި ޖެނުއަރީ މަހުގެ 2 އިން ފެށިގެން ނެޓްފްލިކްސް މެދުވެރިކޮށް މި ފިލްމު ބަލާލުމުގެ ފުރުސަތު މިހާރު މިވަނީ ބެލުންތެރިންނަށް ފަހިވެފައެވެ.
މިއީ ގޭގައި ތިބެގެން އާއިލާއާއެކު ބަލާލަން ރަނގަޅު، ތަފާތު މެސެޖުތަކެއް އެކުލެވޭ ފިލްމެކެވެ.
ކޮމެންޓް