މި މަހު ހަތް ވަނަ ދުވަހުގެ ރޭ އޮލިމްޕަހުގައި ރިލީޒްކޮށް ކާމިޔާބު ޝޯތަކެއް ދައްކަމުން އަންނަ ދިވެހި ބިރުވެރި ފިލްމު "ޕަރީ" ގެ އަގުވައްޓާލަން މަސައްކަތް ނުކުރުމަށް ގޮވައިލާ، އެކަން ކުރާ ފަރާތްތަކަށް މަޝްހޫރު އެކްޓާ އަދި ޑައިރެކްޓާ އަލީ ސީޒަން ނަސޭހަތެއް ދީފި އެވެ.
ސީޒަން ސޯޝަލް މީޑިއާގައި ހިއްސާކޮށްފައިވާ ވީޑިއޯ މެސެޖެއްގައި ބުނީ "ޕަރީ" ފިލްމުގެ އަގުވައްޓައިލާ ފިލްމުގެ ވިޔަފާރިއަށް ކޮންމެ ވެސް ސިފައެއްގައި ގެއްލުން ދޭން ބަޔަކު މަސައްކަތްކުރާ ކަމަށެވެ.
އެގޮތުން ރައްޔިތުންްގެ ސަޕޯޓް ފިލްމަށް ލިބިފައި އޮތްލެއް ބޮޑުކަމުން އެ ސަޕޯޓް ދުއްވާލުމުގެ ބޭނުމުގައި އަޑީގައި ބަޔަކު ތިބެގެންް ވަރަށް ބޮޑަށް ރޭވިގެން ޕަރީގެ ފޭސްބްކް ޕޭޖަށް ފޭކް އައިޑީ ހަދައިގެން ކޮމެންްޓްކުރާ ކަމަށް ސީޒަން ބުންޏެވެ.
އެހެންކަމުން އެފަދަ ނާތަހުޒީބު އަމަލުތައް ވަގުތުން ހުއްޓާލުމަށް ވެސް ސީޒަން ވަނީ ގޮވައިލާފަ އެވެ.
އަހުމަދު އަހުސަން އާއި ސީޒަން ޕްރޮޑިއުސްކުރާ "ޕަރީ" ގެ ތަރިންގެ ތެރޭގައި ސީޒަން، ރިޝްމީ ރަމީޒް، ޖުމައްޔިލް ނިމާލް، ޝީލާ ނަޖީބު އަދި ކުޑަކުއްޖެއްގެ ރޯލުން އަލަށް ތައާރަފުކުރާ މަރިޔަމް ލަމްޝާ ހިމެނެ އެވެ.
މި ފިލްމުގެ ސްކްރީންޕްލޭ ލިޔެފައިވަނީ ހޫދު އިބްރާހީމެވެ.
ކޮމެންޓް