ޕަރީ ފިލްމް ބެލުމަށްފަހު ބެލުންތެރިންގެ ބޮޑު ތަރުހީބެއް ފިލްމަށް ލިބިއްޖެއެވެ.
ދިވެހި ފިލްމު “ޕަރީ – ޗެޕްޓަރ 1” ޕްރިމިއާކުރުން ޝަރަފުވެރިކޮށްދިނީ ރާއްޖޭގައި މިހާތަނަށް އުފެއްދި އެންމެ ކާމިޔާބު ބިރުވެރި ފިލްމު “ފަތިސްހަނދުވަރު”ގެ ލީޑް ކާސްޓް، މަޝްހޫރު އެކްޓަރުން ކަމަށްވާ މޫސާ މަނިކް (ރީކޯ މޫސަ) އަދި ނިޢުމާ މުޙައްމަދު އެވެ.
“ޕަރީ” ގެ ތަރިންގެ ތެރޭގައި ޢަލީ ސީޒަން، ރިޝްމީ ރަމީޒް، ޖުމައްޔިލް ނިމާލް، ޝީލާ ނަޖީބު އަދި ކުޑަކުއްޖެއްގެ ރޯލުން އަލަށް ތަޢާރަފުކުރާ މަރިޔަމް ލަމްޝާ ހިމެނެއެވެ. ސްކްރީންޕްލޭ ލިޔުނީ ހޫދު އިބްރާހީމެވެ.
އޮލިމްޕަހުގެ ޓިކެޓް ކައުންޓަރ ނަންބަރަކީ 9331242 އެވެ . މިފިލްމު އަތޮޅު ތެރޭގެ ރަށްރަށުގައި ސްކްރީން ކުރަން ބޭނުންވާ ފަރާތްތަކުން 9331243 އަށް ގުޅުއްވުމަށް ޕަރީގެ ޓީމުން ވަނީ އެދިފަ އެވެ.
ކޮމެންޓް