ޕަރީގެ ޓްރެއިލާ ބަލައިފިންތަ؟

ރާއްޖޭގެ މަޝްހޫރު އެކްޓަރ އަދި ޑައިރެކްޓަރ ޢަލީ ސީޒަންގ ’ޕަރީ’ގެ ޓްރެއިލަރ ރިލީޒްކޮށްފި އެވެ.

ޓްރެއިލާއިން މީގެ ކުރިން ދިވެހި ބިރުވެރި ފިލްމުތަކުން ނުފެންނަ ކަހަލަ އެތައް މަންޒަރުތައް ފެނިގެންދެއެވެ.

މިފިލްމުގެ ލީޑު ރޯލުން ފެނިގެންދަނީ ކުޑަ ކުއްޖެކެވެ. ތަރިންގެ މޮޅު ހުނަރު ފެނިގެންދާއިރު ބިރުވެރި ކަންތައްތަކެއްގެ ހިންގާ މަންޒަރު ފެނެ އެވެ.

މިފިލްމަކީ ބެލުންތެރިންނާއި ހަމައަށް ގެނެސްދޭ ވަރަށް ވެސް ތަފާތު ފިލްމަކަށް ވާނެ ކަމަށް ސީޒަން ބުނެއެވެ.

މިއީ މިހާރު ގިނަ ބަޔަކު އިންތިޒާރު ކުރަމުންދާ ފިލްމެކެވެ. މިފިލްމު ވެގެންދާނީ އަންނަ އަހަރު ސިނަމާއިން ފެނިގެންދާނެ ތަފާތު، މޮޅު ފިލްމަކަށް ކަމަށް މި ފިލްމުން މިހައިތަނަށް ފެނިފައިވާ މަންޒަރުތަކުން ބުނަން އެނގެއެވެ.

07 ޖެނުއަރީ 2026ގައި ރިލީޒްކުރާ މި ފިލްމަކީ އަހުމަދު އަހުސަން އާއި އަލީ ސީޒަން ޕްރޮޑިއުސްކުރާ ފިލްމެކެވެ.

ޕަރީގެ ކާސްޓުންގެ ތެރޭގައި ރިޝްމީ، ސީޒަން، ޖުމައްޔިލް، އަދި ޝީލާ ހިމެނެއެވެ.

އަދި މި ފިލްމުން އަލަށް ތަޢާރަފްވާ ލަމްޝާގެ ހުނަރުވެސް ފެނެގެންދާނެއެވެ.

މިފިލްމުގެ ޓްރެއިލާ ރިލީޒް ކޮށްފައިވާއިރު، ޓިކެޓަށް އެޑްވާންސް ބުކިންވެސް މިހާރު ހެއްދޭނެއެވެ. އެގޮތުން 9331243 އަށް ގުޅުމަށް ފިލްމުގެ ޕްރޮޑަކްޝަން ޓީމުން އެދެއެވެ.