ޑާކްރެއިން އެންޓަޓައިންމެންޓްއިން ޑިސެމްބަރު އެއްވަނަ ދުވަހު ނެރުނު ދިވެހި ފިލްމް އަލްވަދާއުއަށް ބޮޑު ތަރުހީބެއް ލިބި ހައުސްފުލް އެތައް ޝޯތަކެއް އޮލިމްޕަހުގައި ދައްކަން ފަށައިފިއެވެ.
މި ފިލްމަކީ ޑާކް ރެއިން އިން މި އަހަރު ފިލްމީ މަސައްކަތަށް, ވަގުތީގޮތުން އަލްވަދާޢު ކިޔުމުގެ ގޮތުން ނެރޭ އެންމެ ފަހު ފިލްމެވެ.
ފިލްމްގެ ލީޑް ރޯލުތަކުން ފެނިގެންގޮއްސަވަނީ ހުނަރުވެރި އެކްޓަރު މަރިޔަމް މަޖުދާ އާއި ޝަރަފް އަބްދުالله އެވެ. މީގެ އިތުރުން މުހިންމު އެހެން ރޯލުތަކުން، މަޝްހޫރު އެކްޓަރުން ކަމަށްވާ މުޙައްމަދު ރަޝީދު (ދަރާ ރަޝީދު)، ޝީލާ ނަޖީބް، އަދި ކުރިއަރަމުން އަންނަ އެކްޓްރެސް ޢާއިޝަތު ލައިޝާ ލަޠީފްގެ އިތުރުން މަޒީން އާއި ހާޒިފް ފެނިގެން ވަނީ ގޮއްސައެވެ.
ފިލްމު ”އަލްވަދާޢު“ ލިޔެފައިވަނީ ޝަހުދާ މަހްމޫދު (ޝަހޫ) އެވެ. އަދި މި ފިލްމު ޑައިރެކްޓްކުރީ ޢަލީ ޝިފާޢު (ޗިއްޕެ) އެވެ. ޑާކް ރެއިންގެ ގިނަ ކާމިޔާބު މަސައްކަތްތަކެއްގެ ފަހަތުގައި ހުރި ޗިއްޕެގެ ގިނަ އުފެއްދުންތަކަކީ ބެލުންތެރިންގެ އިތުބާރު ހޯދާފައިވާ މަސައްކަތެކެވެ.
ފިލްމްގެ ކާމިޔާބުކަން އިނގެގެންދާ އެއްކަމަކީ މިހާތަނަށް ފިލްމްގެ 5 ޝޯހައުސްފުލް ވެފައިވާކަމަށް ޑާކްރެއިންއިން ނެރުނު ސްޓޭޓަސްއިންނެވެ.
ކޮމެންޓް