ލ. ކަލައިދޫ އާއި ދަނބިދޫ ކޯޒްވޭއަކުން ގުޅާލުމުގެ މަޝްރޫއުގެ އަމަލީ މަސައްކަތް މިއަދު ފަށައިފި އެވެ.
މި މަޝްރޫއުގެ އަމަލީ މަސައްކަތް ފައްޓަވައިދެއްވީ ހައުސިން މިނިސްޓަރު ޑރ. އަބްދުﷲ މުއްތަލިބެވެ.
މިއަދު ސޮއިކުރި މަޝްރޫއުގެ ދަށުން ކަލައިދޫއާއި ދަނބިދޫއާ ދޭތެރޭ އެއް ކިލޯމީޓަރުގެ ކޯޒްވޭއެއް ގާއިމުކުރާނެ އެވެ .
މީގެ ތެރޭގައި 36.17 މީޓަރު ދިގު މަގަކާއި 7.80 މީޓަރުގެ ދުއްވާ ސަރަހައްދެއް ހަދާނެއެވެ. ގޮނޑުދޮށް ހިމާޔަތް ކުރުމުގެ ގޮތުން 271 މީޓަރުގެ ސަރަހައްދެއްގައި ރިވެޓްމެންޓް ޖަހާނެ އެވެ.
މިއީ 155.94 މިލިއަން ރުފިޔާއަށް އެމްޓީސީސީއާ ހަވާލުކޮށްފައިވާ މަޝްރޫއެކެވެ.
ކަލައިދޫ އާއި ދަނބިދޫ ކޯޒްވޭ ގާއިމުވުމުން ދެ ރަށުގެ ރައްޔިތުންނަށް ވެސް ފަސޭހަކަމާއެކު އެއް ރަށުން އަނެއް ރަށަށް ދިއުމުގެ މަގުފަހިވާނެ ކަމަށާއި އެ ގޮތުން ކޯޒްވޭގެ ސަބަބުން އިޖުތިމާއީ ގޮތުންނާއި އިގުތިސޯދީ ގޮތުން ވެސް ހެޔޮބަދަލުތަކެއް އަންނާނެ ކަމަށް އެމްޓީސީސީން ބުންޏެވެ.
ކޮމެންޓް