ފަތުރުވެރިކަން ތަރައްގީ ކުރަން އިނގިރޭސިވިލާތުގެ ހައިކޮމިޝަނަރާއެކު މަޝްވަރާކޮށްފި

ތިމާވެށި ރައްކާތެރިކުރުމާއި، މޫސުމަށް އަންނަ ބަދަލުތަކާއި، ފަތުރުވެރިކަމުގެ ދާއިރާއިން އެއްބާރުލުން އިތުރު ކުރުމާ ގުޅޭގޮތުން ރާއްޖެއަށް ކަނޑައަޅުއްވާފައި ހުންނަވާ އިނގިރޭސިވިލާތުގެ ހައި ކޮމިޝަނަރު ނިކް ލޯއާ، އާއިއެކު ޓޫރިޒަމް މިނިސްޓަރު ތޯރިގު އިބްރާހީމް، މަޝްވަރާ ކުރައްވައިފި އެވެ.

މިއަދު ބޭއްވުނު މި ބައްދަލުވުމުގައި، ދެ ގައުމުގެ ދެމެދުގައި އޮތް ގުޅުން އިތުރަށް ބަދަހި ކުރުމާއި، ތިމާވެށި ރައްކާތެރި ކުރުމުގެ މަސައްކަތް ތަކުގައި އެއްބާރުލުން އިތުރު ކުރުމާ ގުޅޭގޮތުން މަޝްވަރާ ކުރި ކަމަށް ޓޫރިޒަމް މިނިސްޓްރީން ބުންޏެވެ. އަދި މޫސުމަށް އަންނަ ބަދަލުތަކާ ގުޅިގެން ކުރިމަތިވާ ގޮންޖެހުންތަކަށް ހައްލު ހޯދުމުގައި ދެ ގައުމުން އެއްބާރުލައި މަސައްކަތް ކުރުމުގެ މުހިންމުކަމާ މެދު ވެސް ވާހަކަ ދެކެވުނު ކަމަށެވެ.

އެ މިނިސްޓްރީން ބުނި ގޮތުގައި މިއަދުގެ ބައްދަލުވުމުގެ ތެރެއިން ފަތުރުވެރި ކަމުގެ ދާއިރާ ތަރައްގީ ކުރުމަށް ކުރެވިދާނެ މަސައްކަތްތަކާ ގުޅޭގޮތުން ވެސް ދެ ފަރާތުން ހިޔާލު ބަދަލު ކުރެއްވި އެވެ. އޭގެ އިތުރުން ރާއްޖެއަކީ ތިމާވެށްޓާ ރައްޓެހި ފަތުރުވެރި ކަމަށް މަޝްހޫރު ގައުމަކަށްވެފައި، އިނގިރޭސިވިލާތަކީ ރާއްޖެއަށް ޒިޔާރަތް ކުރާ ފަތުރުވެރިންގެ ތެރެއިން އެންމެ ގިނަ ފަތުރުވެރިން އަންނަ ގައުމު ތަކުގެ ތެރޭގައި ހިމެނޭ ގައުމަކަށްވުމާއެކު، މި ދާއިރާއިން އިތުރަށް އެއްބާރުލުން ބަދަހި ކުރުމުގެ މުހިންމުކަން ވެސް ފާހަގަ ކުރެވުނެވެ.

މި ބައްދަލުވުމަކީ ދެ ގައުމުގެ ދެމެދުގައި އޮތް ގުޅުން އިތުރަށް ހަރުދަނާކޮށް، މުހިންމު ދާއިރާ ތަކުން އެއްބާރުލުން އިތުރު ކުރުމަށް މަގުފަހި ވެގެންދާނެ ބައްދަލުވުމެއް ކަމުގައި ދެ ފަރާތުން ވެސް ފާހަގަކުރެއްވި ކަމަށް ފޮރިން މިނިސްޓްރީން ބުނެ އެވެ.