އިންޑިއާއަށް 50 މިލިއަން ޑޮލަރު ދައްކަންޖެހޭ މުއްދަތު އިތުރު އެއް އަހަރަށް ފަސްކޮށްދީފި

ރައީސުލްޖުމްހޫރިއްޔާ ޑރ. މުއިއްޒު، އިންޑިއާގެ ބޮޑުވަޒީރު ނަރެންދުރަ މޯދީ އާ ބައްދަލުކުރެއްވުން--

ރާއްޖޭގައި ހުންނަ ސްޓޭޓް ބޭންކް އޮފް އިންޑިއާ މެދުވެރިކޮށް، ނަގާފައިވާ 50 މިލިޔަން ޑޮލަރުގެ ޓްރެޒަރީ ބޮންޑަށް ފައިސާ ދެއްކުމުގެ މުއްދަތު، އަނެއްކާ ވެސް އިތުރު އެއް އަހަރަކަށް ފަސްކޮށްދިނުމަށް އިންޑިއާ ސަރުކާރުން ނިންމައިފި އެވެ.

އިންޑިއާގެ ހައިކޮމިޝަނުން މިއަދު ނުރުނު ބަޔާނެއްގައި ބުނަނީ ސްޓޭޓް ބޭންކް އޮފް އިންޑިއާ (އެސްބީއައި) މެދުވެރިކޮށް، ނަގައިފައިވާ ޓްރެޝަރީ ބޮންޑަށް ފައިސާ ދެއްކުމުގެ މުއްދަތު، އިންޓްރަސްޓަކާ ނުލާ އިތުރު އެއް އަހަރަށް ފަސްކޮށްދީފައިވާ ކަމަށެވެ.

މި އެހީތެރިކަމާ ގުޅުވައިގެން ފޮރިން މިނިސްޓަރު ޑރ. އަބްދުالله ހަލީލް ކުރެއްވި އެކްސް ޕޯސްޓެއްގައި ވަނީ އިންޑިއާގެ އެކްސްޓާނަލް އެފެއާޒް މިނިސްޓަރަށާއި އިންޑިއާ ސަރުކާރަށް ޝުކުރު އަދާ ކުރައްވާފަ އެވެ.

އޭގެ އިތުރުން މިއީ އިންޑިއާ އާއި ރާއްޖެއާ ދެމެދު އޮތް ގުޅުމުގެ ރަމްޒެއްކަން ފާހަގަކުރައްވައި ހަލީލް ވިދާޅުވީ 50 މިލިއަން ޑޮލަރުގެ ޓްރެޝަރީ ބޮންޑަށް ފައިސާ ދެއްކުން ފަސްކޮށް ދިނުމަކީ އެ ގައުމުން ރާއްޖެއަށް މާލީ ގޮތުން ވެދިން ވަރަށް ބޮޑު އެހީތެރިކަމެއް ކަމަށެވެ.

އިންޑިޔާ ފޮރިން މިނިސްޓްރީ