ބަހްރެއިންގެ ވަލީއަހްދާ ރާއްޖޭގެ ފޮރިން މިނިސްޓަރު ބައްދަލުކުރައްވައިފި
މިނިސްޓަރު ޒަމީރު, ބަހްރޭންގެ ވަލީއަހުދުއާއި ބައްދަލުކުރެއްވުމުގެ ތެރެއިން / ފޮޓޯ: ފޮރިން މިނިސްޓްރީ
ރާއްޖޭގެ ފޮރިން މިނިސްޓަރު މޫސާ ޒަމީރު ބަހްރެއިނަށް ކުރައްވަމުންދާ ރަސްމީ ދަތުރުފުޅުގައި އެ ޤައުމުގެ ވަލީއަހްދު އަދި ބޮޑުވަޒީރު ސަލްމާން ބިން ހަމަދު އަލް ޚަލީފާއާ މިއަދު ބައްދަލުކުރައްވައިފިއެވެ.
މި ބައްދަލުވުމުގައި މިނިސްޓަރު ޒަމީރު ވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ބަހްރެއިންގެ ރަސްގެފާނު ހަމަދު ބިން އީސާ އަލް ޚަލީފާއަށް ފޮނުއްވި ސިޓީފުޅެއް ވަލީއަހްދާ ހަވާލުކުރައްވާފައެވެ. އަދި ދެ ޤައުމުގެ ދެމެދުގައިވާ ރަހުމަތްތެރިކަމުގެ ގުޅުން އިތުރަށް ހަރުދަނާކުރުމަށް ދިވެހި ސަރުކާރުގެ ފަރާތުން ފުރިހަމަ އެއްބާރުލުން ދެއްވާނެކަމުގެ ޔަގީންކަން ވެސް ދެއްވިއެވެ.
މިނިސްޓަރު ޒަމީރުގެ މި ދަތުރުފުޅަކީ ބަހްރެއިންގެ ފޮރިން މިނިސްޓަރު ޑރ. އަބްދުއްލަތީފް ބިން ރާޝިދު އަލް ޒަޔާނީގެ ދަޢުވަތަކަށް ކުރައްވާ ދަތުރުފުޅެކެވެ. މި ދަތުރުފުޅުގައި ބަހްރެއިން ސަރުކާރުގެ އިތުރު އިސްވެރިންނާވެސް ބައްދަލުކުރެއްވުމަށް ވަނީ ހަމަޖެހިފައެވެ.
ފާހަގަކޮށްލެވޭ ކަމަކީ ބަހްރެއިންގެ ވަލީއަހްދު ސަލްމާން ބިން ހަމަދު އަލް ޚަލީފާއަކީ އެ ޤައުމުގެ ޑެޕިއުޓީ ސުޕްރީމް ކޮމާންޑަރުކަމުގެ މަޤާމު ވެސް ފުރުއްވާ ބޭފުޅެއްކަމެވެ.
ކޮމެންޓް