ވީއައިއޭގެ އައު ޓާމިލަށް ފެން ފޯރުކޮށްދޭ ހޮޅި އިފުތިތާހު ކޮށްފި

ވީއައިއޭގެ އައު ޓާމިނަލަށް ފެން ފޯރުކޮށްދޭ ހޮޅި އިފުތިތާހު ކުރުން: ފޮޓޯ/ އެމްއޭސީއެމް

ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ އައު ޓާމިނަލަށް ފެނުގެ ހިދުމަތް ފޯރުކޮށްދޭ ހޮޅި މިއަދު އިފުތިތާހު ކޮށްފި އެވެ.

މިކަމަށް ޓަކައި ވީއައިއޭގައި މިއަދު ބޭއްވި ރަސްމިއްޔާތުގައި ފެން ހޮޅި އިފުތިތާހު ކޮށްދެއްވީ އެމްއޭސީއެލްގެ މެނޭޖިން ޑިރެކްޓަރު އަދި ސީއީއޯ އިބްރާހިމް ޝަރީފް މުޙައްމަދު އެވެ. މި ރަސްމިއްޔާތުގައި އެކުންފުނީގެ ކުރީގައި ތިއްބެވި ބޭފުޅުން ވެސް ބައިވެރިވި އެވެ.

އެމްއޭސީއެލުން ބުނީ ހުޅުލޭ ފަޅުތެރެއިން 635 މީޓަރު އަދި އެއްގަމުން 1800 މީޓަރު ދިގު މި ހޮޅިލައިނުގެ ސަބަބުން އައު ޓާމިނަލަށް ބޭނުންވާ ފެން ލިބޭނެ ކަމަށެވެ.

އައު ޕެސެންޖާ ޓާމިނަލް ހުޅުވުމަށް ވާންޖެހޭ އެންމެ ފަހުގެ ތައްޔާރީތައްވަމުން އަންނައިރު، މި ޓާމިނަލް ހުޅުވުމަށް ތާވަލް ކޮށްފައިވަނީ ޖުލައި މަހުގެ 26 ވަނަ ދުވަހު އެވެ.

އެމްއޭސީއެލް ވީއައިއޭ