ޢައްޒާ ލައިވް: ޓުލްކަރަމްގައި 5 މަރު، ސިޓީއަށް ރެއިޑް

އިޒްރޭލުގެ ސިފައިން މިހާރު ދަނީ އޮކިއުޕައިޑް ވެސްޓް ބޭންކުގެ ތުލްކަރަމްގައި ރެއިޑެއް ކުރަމުންނެވެ. މިއީ އެ ސަރަހައްދުގައި ކުރެވުނު ވައިގެ ހަމަލާއެއްގައި ކާރެއްގައި ތިބި މަދުވެގެން 5 މީހުން މަރުވުމާ ގުޅިގެންނެވެ.އަދި މި ހަމަލާގައި ހަމާސްގެ ހަތިޔާރުއެޅި ބައި ކަމަށް ބެލެވޭ ޤައްސާމް ބްރިގޭޑްސްގެ އެ ސަރަހައްދުގެ ކޮމާންޑަރެއް މަރުވެފައިވާ ކަމަށް އިޒްރޭލު ސިފައިން ބުނެފައިވެއެވެ.

ޕެންޓަގަނުން ބުނެފައިވަނީ، ޓެހެރާނުގައި ހަމާސްގެ ސިޔާސީ އިސްވެރިޔާ އިސްމާޢީލް ހަނިޔާ އަވަހާރަކޮށްލުމާ ގުޅިގެން އިރާނުން އިސްރާއީލަށް ޖަވާބުދާރީވެދާނެކަމުގެ އަންދާޒާތައް އިތުރުވަމުންދާތީ، އެ ސަރަޙައްދަށް އެމެރިކާގެ ސިފައިންގެ އިތުރު ހަނގުރާމަވެރި ޖެޓް މަތިންދާބޯޓުތަކާއި ހަނގުރާމަ އުޅަނދުތައް ފޮނުވާނެ ކަމަށެވެ.

ހަމާސްގެ ސިޔާސީ އިސްވެރިޔާ އިސްމާޢީލް ހަނިޔާ އަވަހާރަކޮށްލުމާ ގުޅިގެން މެދުއިރުމަތީގެ އެކި ހިސާބުތަކުގައާއި ލެބަނޮން، ޔަމަން އަދި ޖޯޑަން ހިމެނޭގޮތަށް، ހާހުން ގުނާލެވޭ އަދަދެއްގެ މީހުން ހިތާމަ ފާޅުކޮށް އޭނާއަށް ޙުރުމަތްތެރިކޮށް ހިތުމުގެ ގޮތުން އެއްވެ ރެލީތައް ބާއްވައިފައިވެއެވެ.

ޔުނައިޓެޑް ނޭޝަންސް އިން ބުނާ ގޮތުގައި އޮކްޓޯބަރު 7 އިން ފެށިގެން އިސްރާއީލުގެ ހަމަލާތަކުގައި ޣައްޒާ ސްޓްރިޕްގެ ހުރިހާ ޢިމާރާތްތަކުގެ ތެރެއިން ގާތްގަނޑަކަށް ތިން ބައިކުޅަ ދެބައި، 151,000 އަށްވުރެ ގިނަ ޢިމާރާތް ވަނީ ގެއްލުން ލިބި ނުވަތަ ފުނޑުފުނޑުވެފައެވެ.

އިސްރާއީލުން ޣައްޒާއަށް ކުރަމުންދާ ހަނގުރާމައިގައި މަދުވެގެން މިހާތަނަށް 39,480 މީހުން މަރުވެފައިވާއިރު، އޭގެ ތެރޭގައި 16,314 ކުދިން ހިމެނެއެވެ. އަދި 91,128 މީހުންނަށް އެކިވަރުގެ ޒަޚަމްތަށް ލިބިފައިވެއެވެ.