ލިވަރޕޫލުން މާސޭލްގެ 11.8 މިލިއަން ޕައުންޑުގެ އޮފަރ އެންޑޯއަށް ދޭން އިންކާރުކޮށްފި

ލިވަރޕޫލުން މިޑްފީލްޑަރު ވަތަރު އެންޑޯއަށް މާސޭލްއިން ހުށަހެޅި 11.8 މިލިއަން ޕައުންޑުގެ އޮފަރ ދޭން އިންކާރުކޮށްފިއެވެ.

31 އަހަރުގެ މި ޖަޕާނު އިންޓަނޭޝަނަލް ކުޅުންތެރިޔާ ލިވަރޕޫލާ ގުޅުނީ ފާއިތުވި އޯގަސްޓު މަހު ސްޓުޓްގާޓުން 16.2 މިލިއަން ޕައުންޑަށް 4 އަހަރުގެ އެއްބަސްވުމެއްގައެވެ.

އޭނާ އެންފީލްޑުގައި ފުރަތަމަ ސީޒަންގައި 43 މެޗެއްގައި ކުޅެ، އޭގެ ތެރެއިން ޕްރިމިއަރ ލީގުގެ 20 މެޗެއް ފަށައިގެން ކުޅެ، ލީގު ކަޕް ކާމިޔާބުކުރިއެވެ.

މާސޭލް މެނޭޖްކުރަނީ ރޮބަޓޯ ޑި ޒެރްބީއެވެ. އޭނާ ފާއިތުވި ސީޒަންގައި ބްރައިޓަންގެ މެނޭޖަރުގެ ގޮތުގައި ހުރެ އެންޑޯއާ ވާދަކޮށްފައިވެއެވެ.

މި ޑިފެންސިވް ކުޅުންތެރިޔާއަށް އިތުރު ޖަރުމަނު ކްލަބްތަކުން ވެސް ޝައުގުވެރިކަން ހުރިކަން ރެޑްސްއަށް އެނގެއެވެ.

އާނެ ސްލޮޓް މެނޭޖަރުގެ ގޮތުގައި އައުމަށްފަހު ލިވަރޕޫލުން މިހާތަނަށް އެއްވެސް ކުޅުންތެރިއަކު ސޮއިކޮށްފައެއް ނުވެއެވެ.