ތިނަދޫ ގައި މުޒާހަރާ ރާވަން އުޅުނު ބިދޭސީން ޑީޕޯރޓު ކުރަނީ
ތިނަދޫ ގައި ބަންގްލަދޭޝް މީހުން މުޒާހަރާ ކުރަނީ
ގދ.ތިނަދޫ ގައި މުޒާހަރާ ރޭވުމުގައި އުޅުނު ބިދޭސީން ޑީޕޯރޓު ކުރަން ނިންމައިފިއެވެ.
ބަންގްލަދޭޝްގެ ދާޚިލީ މައްސަލައަކާ ގުޅިގެން ތިނަދޫގައި ކުރި މުޒާހަރާ ރޭވުމުގައި އުޅުނު މީހުން ހައްޔަރުކޮށް، ޑީޕޯޓުކުރުމުގެ މަސައްކަތް ކުރަމުން އަންނަ ކަމަށް ހޯމް މިނިސްޓަރު އަލީ އިޙުސާން ވިދާޅުވެފައި ވެއެވެ.
"ބިދޭސީންނަށް ރާއްޖެ އައިސް ސިޔާސީ މަސައްކަތެއް ނުކުރެވޭނެ. ވިސާ ވައިލޭޝަނެއް އެއީ،"
ހޯމް މިނިސްޓަރު އިހުސާން ވިދާޅުވި އެވެ.
ބަންގްލަދޭޝްގެ މިނިވަން ކަމަށް ކުރި ހަނގުރާމައިގެ ބައިވެރިންގެ ޢާއިލާތަކަށް ސަރުކާރު ވަޒީފާތަކުގެ 30 އިންސައްތަ ރިޒާވް ކުރުމަށް އެ ޤައުމުގެ ހައި ކޯޓުން ހުކުމް ކުރުމާ ގުޅިގެން ބަންގްލަދޭޝް ގައި މުޒާހަރާ ފެށިގެން އައެވެ. އެ މުޒާހަރާތަކަށް ތާއީދުކޮށް، ގދ. ތިނަދޫގައި ދިރިއުޅޭ ބިދޭސީންތަކެއް މުޒާހަރާކޮށްފައި ވަނީ މިދިޔަ ބުރާސްފަތި ދުވަހުއެވެ.
ކޮމެންޓް