ެއެމް އެމް އޭ ގެ ގަވަރުނަރުކަމުން އަލީ ޙާޝިމް ވަކިކޮށްފި

މޯލްޑިވްސް މަނިޓަރީ އޮޓޯރިޓީ ގެ ގަވަރުނަރު ކަމުން އަލީ ޙާޝިމް ވަކިކޮށްފިއެވެ.

ރައީސް އޮފީހުން ވިދާޅުވީ އަލީ ހާޝިމް އެމްއެމްއޭގެ ގަވަރުނަރުގެ މަގާމުން ވަކިކޮށްފައިވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒަށް، ގާނޫނު ނަންބަރު 81/6 (މޯލްޑިވްސް މަނިޓަރީ އޮތޯރިޓީގެ ގާނޫނު) ގެ ހަވަނަ މާއްދާގެ ތިންވަނަ ނަންބަރުގެ ދަށުން ރައްޔިތުން މަޖިލީހުން މަޝްވަރާދެއްވާފައިވާތީވެ ކަމަށެވެ.

ރައްޔިތުން މަޖިލީހުން މިކަން ނިންމާފައިވަނީ ރާއްޖޭގެ މާލީ ހާލަތު ރަނގަޅު ކުރުމަށް ދޭން ޖެހޭ އެއްވެސް އެއްބާރުލުމެއް އަލީ ޙާޝިމް ގެ ފަރާތުން ލިބިފައިނުވާތީއެވެ.

މަޤާމުން ވަކި ކުރުމުގެ ކުރިން އެމް އެމް އޭ ގެ ގަވަރުނަރަށް ، ރައްޔިތުން މަޖިލީހުގެ މާލިއްޔަތު ކޮމިޓީއިން ވަނީ ޖަވާބުދާރީ ވުމަށްޓަކައި 3 ފުރުސަތު ދެއްވާފައެވެ. އެހެން ނަމަވެސް އަލީ ޙާޝިމް ގެ ފަރާތުން އެއްވެސް ޖަވާބެއް މާލިއްޔަތު ކޮމިޓީ އަށް ލިބިފައެއްނެއެވެ.