ކެތްތެރިކަމާއެކު އިންތިޒާރު ކުރަމުން އަންނަ ދިވެހި ފިލްމް އިލްޒާމްގެ ޓިކެޓް ވިއްކަން މާދަމާ ފަށާނެކަމަށް ފިލްމްގެ ޑައިރެކްޓާ ޔޫއްޕެ ބުނެފިއެވެ.
ފިލްމީ ދާއިރާގެ ގިނަ އަދަދެއްގެ ތަރިންތަކެއް ހިމެނޭ މި ފިލްމަކީ މަޝްހޫރު ތަރިން ކަމަށްވާ އަހުމަދު ނިމާލް އާއި މަރިޔަމް ޝަކީލާ އަދި މުހައްމަދު ރަޝީދު [ދަރާ] ޔޫސުފް ޝަފީޢު ]ޔޫއްޕެ]، ޖުމައްޔިލް ނިމާލް، އާމިރާ އިސްމާއިލް ފަދަ ތަރިން ހިމެނޭ ފިލްމެކެވެ. އަދި މިހާރު އަރަމުން އަންނަ ތަރިން ކަމަށްވާ މަރިޔަމް ޝިފާ، ޝަހީދާ އަހްމަދް[ޑޯރާ]، ލައިޝާ ލަތީފް މި ފިލްމުން ފެނިގެންދާނެއެވެ.
މި ފިލްމްގެ ކުޑަ ކުއްޖެއްގެ ރޯލުން އަލަށް ތައާރަފްވާ ކިންޒާ ހުސައިން[ގޮމަ]ގެ ހުނަރުވެރިކަންވެސް މި ފިލްމްއިން ފެނިގެންދާނެއެވެ.
ފިލްމަކީ ދިވެހި މުޖުތަމަޢުން ފެނިގެންދާ އާއިލީ ގިނަ މައްސަލަތަކާއި، މުޖުތަމަޢުގައި ފަހަކަށް އައިސް ކަން ހިނގަމުންދާ ގޮތް ވަރަށް ފުރިހަމައަށް ދައްކުވައިދޭނެ ފިލްމެކެވެ. ޚާއްސަކޮށް، ދަރިންނާއި މައިންބަފައިންނާ ދެމެދުގައި އުފެދޭ ގުޅުންތަކާއި، ނާޒުކު ހާލަތްތަކުގައި ގޮތް ނިންމަން ޖެހޭ ކަންކަން މި ފިލްމުން ފެނިގެންދާނެކަމަށް ބެލެވެއެވެ. މިފަދަ ފިލްމުތަކަކީ އަބަދުވެސް ދިވެހި ބެލުންތެރިންގެ މެދުގައި މަގުބޫލުކަން ހޯދާ ފިލްމުތަކެކެވެ.
އިލްޒާމް އޮލިމްޕަހުގައި އަޅުވަން ހަމަޖެހެފައިވަނީ މި ފެށޭމަހުގެ 20 ވަނަ ދުވަހުއެވެ.
ކޮމެންޓް