ކުޅުދުއްފުށީގައި އޮޕަރޭޝަން ޑޮކްޓަރުންގެ ހާއްސަ ކޭމްޕެއް ފަށައިފި

އެކި ދާއިރާތަކަށް ހާއްސަ ދިވެހި ޑޮކްޓަރުންގެ ޓީމަކާއެކު ކުޅުދުއްފުށި ސިޓީގައި އޮޕަރޭޝަންތަކަށް ހާއްސަ ކޭމްޕެއް މިއަދު ފަށައިފި އެވެ.

މި ކޭމްޕް ބާއްވަނީ ހެލްތް މިނިސްޓްރީ އާއި އައިޖީއެމްއެޗް އަދި ކުޅުދުއްފުށީ ރީޖަނަލް ހޮސްޕިޓަލް (ކޭއާރުއެޗް) ގެ ފަރާތުންނެވެ.

ކޭމްޕް ކުޅުދުއްފުށީގައި ކުރިއަށްދާނީ ޖޫން 12 އިން 14 އަށެވެ. ކޭމްޕުގައި ތަޖުރިބާކާރު 8 ޑޮކްޓަރުން ބައިވެރިވާނެކަމަށް ކޭއާރުއެޗްއިން ބުނެފައިވެ އެވެ. މިޓީމްގައި 8 ޑޮކްޓަރުން ހިމެނެ އެވެ.

މި ކޭމްޕުގައި ކަފާލައިގެން (އޯޕަން) އަދި ލޯވަޅުއަޅައިގެން (ލެޕްރަސްކޯޕިކް) ކޮށް އޮޕަރޭޝަން ކުރުމާއި، ފަސޭހަނުވެ ގިނަ ދުވަސްވެފައި ހުންނަ ފާރުގަނޑުތަކަށް ފަރުވާ ދިނުމާއި، ޕްލާސްޓިކް ސަޖަރީގެ ހިދުމަތާއި، ކެންސަރުބަލީގެ އޮޕަރޭޝަންގެ ހާއްސަ ޑޮކްޓަރުގެ ހިދުމަތް ދިނުން ހިމެނެއެވެ.

އަދި، ކުޑަކަމުދާ ނިޒާމުގެ ހާއްސަ ޑޮކްޓަރުންގެ ހިދުމަތާއި، ނާރުގެ ބަލިތަކުގެ އޮޕަރޭޝަން (ނިއުރޯ ސާޖަރީ) ގެ ޑޯކްޓަރުގެ ހިދުމަތުގެ ނުފިލާ ހުންނަ ތަދުތަކަށް ފަރުވާ ދިނުން ހިމެނެ އެވެ.

ބަލިތަކަށް ފަރުވާދިނުމަށް ޑޮކްޓަރުންގެ ޓީމުން އޯޕީޑީގައި ބެއްލެވުމަށް ވަނީ ހަމަޖެހިފައެވެ. އަދި، ހޮސްޕިޓަލުގައި މަސައްކަތްކުރާ ފަންނީ މުވައްޒަފުންނަށް ތަމްރީނުތައް ނަގައިދިނުމަށް ހަމަޖެހިފައިވާކަމަށް ކޭއާރުއެޗްއިން ބުނެފައިވެ އެވެ.

މި ކޭމްޕް ފެށުމުގެ ކުރިން ނަން ނޯޓް ކުރަން ހުޅުވާލި ފުރުސަތުގައި ގިނަބަޔަކު ނަންނޯޓްކޮށްފައިވާ ކަމަށް ވެސް ކޭއާރުއެޗް އިން މައުލޫމާތުދެ އެވެ.

މިނިސްޓްރީ އޮފް ހެލްތް