އަވަށްޓެރި ގައުމުތަކުގައި ޗިކުންގުންޔާ ފެތުރޭތީ ރައްކާތެރިވާން އެދެފި

ޗިކުން ގުންޔާ އުފުލާ އީޑީސް އިޖިޕްޓައި މަދިރިއެއް --

އަވަށްޓެރި ބައެއް ގައުމުތަކުގައި ޗިކުންގުންޔާ ފެތުރޭތީ ރައްކާތެރިވުމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އިލްތިމާސްކޮށްފި އެވެ.

އެޗްޕީއޭ އިން ވަނީ މި ދުވަސްވަރު، އީދު ބަންދުގައި ދަތުރު ކުރާ ފަރާތްތަކުން މަދިރި ހެފުމުން ރައްކާތެރިވުމަށް ސަމާލުކަންދިނުން، އަދި މަދިރި ލޯޝަން ނުވަތަ ސްޕްރޭ ބޭނުން ކުރުމަށާއި އެގޮތުން ވަކި ހާއްސަ މާއްދާތަކެއް ހިމެނޭ މަދިރި ލޯޝަން އަދި ސްޕްރޭ ބޭނުން ކުރުމަށް އިލްތިމާސް ކޮށްފަ އެވެ.

މީގެ އިތުރުން، ވީހާވެސް ބޮޑަށް ހަށިގަނޑު ނިވާވާ ގޮތަށް ފޭރާން ލުމަށާއި، ކުޑަދޮރު ފަދަ ތަންތަނުގައި މަދިރި ދާ ޖެހުން ނުވަތަ ގޭތެރޭގައި މަދިރި ގެ ބޭނުން ކުރުމަށާއި، މަދިރި ގިނަވާ ވަގުތު ތަކުގައި ދޮރާއި ކުޑަދޮރުތައް ރަނގަޅަށް ލައްޕައިގެން ތިބުމަށް ވެސް އެޗްޕީއޭ އިން އިލްތިމާސްކޮށްފައިވެ އެވެ.

އާއްމުގޮތެއްގައި ހުރިހާ ވައްތަރެއްގެ މަދިރިވެސް އެންމެ ގިނަވަނީ ހެނދުނާއި ހަވީރެވެ. ނަމަވެސް އީޑީސް މަދިރި އާންމުކޮށް ހަފަނީ ދުވާލު ގަޑީގަ އެވެ.

އެހެންކަމުން ހުރިހާ ވަގުތެއްގައި ވެސް މަދިރި ހެފުމުން ރައްކާތެރިވެތިބުމަށް ސަމާލުކަން ދިނުމަށް އެޗްޕީއޭއިން ބާރު އަޅައެވެ.

އެޗްޕީއޭ