ރައީސް މުއިއްޒު މައްކާ ރޫޓު އިނީޝިއޭޓިވް ރަސްމީކޮށް އިފުތިތާހުކޮށްދެއްވައިފި

ރައީސް މުއިއްޒު މައްކާ ރޫޓު އިނީޝިއޭޓިވް ރަސްމީކޮށް އިފުތިތާހުކޮށްދެއްވުން —

މައްކާ ރޫޓު އިނީޝިއޭޓިވް ރާއްޖޭގައި ރަސްމީކޮށް އިފުތިތާހު ކުރައްވައިފި އެވެ.

މިކަމަށް ޓަކައި މިއަދު މެންދުރު ވެލާނާ އިންޓަނޭޝަނަލް އެއާޕޯޓުގައި ބޭއްވި ހާއްސަ ރަސްމިއްޔާތެއްގައި މައްކާ ރޫޓު އިނީޝިއޭޓިވް ރަސްމީކޮށް އިފުތިތާހުކޮށްދެއްވީ ރައީސުލްޖުމުހޫރިއްޔާ ޑރ. މުޙައްމަދު މުއިއްޒު އެވެ.

މި ރަސްމިއްޔާތުގައި މައްކާ ރޫޓު އިނީޝިއޭޓިވް ކޮމިޓީގެ ޗެއާމަން އަދި ސައޫދީ ދާހީލީ ވަޒީރުގެ އެޑްވައިޒަރު ލެފްޓިނެންޓް ޖެނެރަލް ސުލައިމާން ބިން އަބްދުލްއަޒީޒު އަލްޔަހުޔާގެ އިތުރުން ސައުދީ އަރަބިއްޔާ އިސް ވަފުދުގެ ބޭފުޅުންނާއި، އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު އަދި ދައުލަތުގެ އިސްވެރީން ވަނީ ބައިވެރިވެލައްވާފަ އެވެ.

އިސްލާމިކް މިނިސްޓްރީން ބުނީ މައްކާ ރޫޓު އިނީޝިއޭޓިވްގެ ދަށުން ދިވެހި ހައްޖުވެރީން ސައުދީއަށް ދަތުރު ކުރުމުގެ އިންތިޒާމް ހަމަޖެހިގެންދިއުމަކީ ލިބިގެންދިޔަ ވަރަށް ބޮޑު ފަސޭހައެއް ކަމަށެވެ. އެ ގޮތުން ދިވެހި ހައްޖުވެރީން ސައުދީއަށް އެތެރެ ވުމުގެ ކުރިން ސައުދީ އަރަބިއްޔާގެ އިމިގްރޭޝަން ހުންނާނީ ނިމިފައި ކަމަށް މިނިސްޓްރީން ބުންޏެވެ.

އަދި ހައްޖުވެރީންގެ ފޮށިތައް ވެސް މައްކާ ރޫޓު އިނީޝިއޭޓިވްގެ ފަރާތުން ހައްޖުވެރީން ތިބޭ ހޮޓަލާ ހަމައަށް ގެންގޮސްދޭނެ ކަމަށާއި އެހެންކަމުން ހައްޖުވެރީން ޖިއްދާ އެއާޕޯޓުގައި ހޭދަ ކުރަން ޖެހޭ ވަގުތު ވަރަށް ބޮޑަށް މަދުވެ، ހައްޖުވެރީންގެ ދަތުރަށް ބޮޑު ފަސޭހައެއް ލިބިގެންދާނެ ކަމަށް ވެސް މިނިސްޓްރީން ބުނެފައިވެ އެވެ.

ރައީސް ޑރ މުޢިއްޒު