މަސްތުވާތަކެއްޗާއި ބަނގުރަލުގެ ވިޔަފާރި ކުރަމުން ދިޔަ ކަމުގެ ތުހުމަތުގައި ދެ މީހަކު ހައްޔަރު ކޮށްފިއެވެ.

ފުލުހުން ވިދާޅުވީ، އެ މައްސަލައިގައި ހައްޔަރު ކޮށްފައިވަނީ އުމުރުން 41 އަހަރުގެ މީހަކާއި 34 އަހަރުގެ މީހެއް ކަމަށެވެ. މި ދެ މީހުންނަކީ ވެސް މާލެއަށް ނިސްބަތްވާ ދިވެހި ފިރިހެނުން ކަމަށް ފުލުހުން ވިދާޅުވިއެވެ.

އެ ދެމީހުން ހައްޔަރު ކޮށްފައިވާއިރު، އެދެމީހުންގެ މައްޗަށް ފުލުހުން ކުރަނީ މަސްތުވާތަކެއްޗާއި ބަނގުރާ ގެންގުޅެ އެތަކެތީގެ ވިޔަފާރި ކުރާ ކަމުގެ ތުހުމަތެވެ. ފުލުހުން ކޯޓަށް ހުށަހަޅައިފައިވާ އިންޓެލިޖެންސް ރިޕޯޓްގައިވާ ގޮތުން އެ ދެ މީހުންނަކީ ވެސް މަސްތުވާތަކެތީގެ ވިޔަފާރިކުރުމުގައި އަމަލީ ގޮތުން ބައިވެރިވަމުން ދިޔަ ދެ މީހުންނެވެ.

މި މައްސަލައިގައި އެ ދެމީހުންގެ ބަންދަށް ވަނީ 30 ދުވަސް ޖަހާފައެވެ.

ފުލުހުން ވިދާޅުވީ، އެމީހުންގެ މައްޗަށް ކުރާ ތުހުމަތެއް ވުޖޫދުވާވަރަށް ހެކި ލިބިފައިވާ ކަމަށެވެ. އެހެން ކަމުން މަސްތުވާތަކެތީގެ ވިޔަފާރި ކުރުމުގައި އަމަލީ ގޮތުން ބައިވެރިވާ މީހަކު ބަންދުން ދޫކޮށްލުމަކީ އެކަމުގެ ސަބަބުން މުޖުތަމައުގެ ސަލާމަތަށް ނުރައްކަލެއް ކުރިމަތިވާނެ ކަމެއް ކަމަށް އެމީހުންގެ ބަންދު އަމުރުގައި ވަނީ ބުނެފައެވެ.