މ. އަތޮޅުގެ މީހުން ދިރިއުޅޭ ހުރިހާ ރަށެއްގައި ބީއެމްއެލް އޭޓީއެމްގެ ހިދުމަތް ފަށައިފި

----

މ. އަތޮޅުގެ މީހުން ދިރިއުޅޭ ހުރިހާ ރަށެއްގައި ބޭންކް އޮފް މޯލްޑިވްސް (ބީއެމްއެލް) އިން ސެލްފް ސާވިސް ބޭންކިން (އޭޓީއެމް) ހުޅުވައި ހިދުމަތްދޭން ފަށްޓައިފި އެވެ.

ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ ވައުދުފުޅުތަކާ އެއްގޮތަށް މުޅި ރާއްޖެއަށް ބީއެމްއެލްގެ އޭޓީއެމްގެ ހިދުމަތް ފުޅާ ކުރުމަށް ފަށާފައިވާ މަޝްރޫއުގެ ތެރެއިން މ. ދިއްގަރު، މަޑުއްވަރީ، ރަތްމަންދޫ، ވޭވަށް، ނާލާފުށި، މުލައް، އަދި ކޮޅުފުށީގައި ވެސް ވަނީ މި ހިދުމަތް ފަށާފަ އެވެ.

އަލަށް ހިދުމަތް ފެށި ހަތް ރަށާ އެކު މ. އަތޮޅުގައި މީހުން ދިރިއުޅޭ ހުރިހާ ރަށަކުން ބީއެމްއެލް އޭޓީއެމްގެ ހިދުމަތް މިހާރު ލިބޭނެ އެވެ.

މިއީ ދ، ހއ، އަދި ނ. އަތޮޅަށް ފަހު، އޭޓީއެމްގެ ހިދުމަތް ފުރިހަމަ ކުރެވުނު ހަތަރު ވަނަ އަތޮޅެވެ.

މި އަހަރުގެ ނިޔަލަށް ބީއެމްއެލުން ބަހައްޓާ 103 އޭޓީއެމްގެ އިތުރަށް މޯލްޑިވްސް އިސްލާމިކް ބޭންކުން ވެސް 19 ރަށެއްގައި އޭޓީއެމް ބެހެއްޓުމަށް ހަމަޖެހިފައިވެ އެވެ.

އެ ގޮތުން ޑިސެމްބަރުގެ ނިޔަލަށް މި މަޝްރޫއުގެ ދަށުން ޖުމުލަ 122 އޭޓީއެމް ބަހައްޓާނެ އެވެ.

ބީއެމްެއެލް އޭޓީއެމް