ރައުދު ބަންދުން ދޫކޮށްލައިފި

ރައުދު މީގެ ކުރިން ދޫނިދޫއަށް ގެންދަނީ -- ފޮޓޯ/ އެކްސް

މާލޭ ގެއެއްގެ ފުރާޅު މައްޗަށް އުމުރުން 21 އަހަރުގެ ހައްވާ ޔުމްނު ރަޝީދު ވެއްޓިފައި އޮއްވާ ފެނުނު މައްސަލައިގައި ހައްޔަރުކޮށްފައި ހުރި ރައުދު އަހުމަދު ޒިލާލް މިއަދު ބަންދުން ދޫކޮށްލައިފި އެވެ.

ރައުދު، މިއަދު ހެނދުނުގެ ވަގުތެއްގައި ދޫކޮށްލިއިރު، އެންމެ ފަހުން ކްރިމިނަލް ކޯޓުން ޖަހާފައިވާ 20 ދުވަހުގެ ބަންދުގެ މުއްދަތު ވެސް އަދި ހަމަ ނުވެ އެވެ.

އޭނާ ބަންދު ކުރުމުން، ހައިކޯޓުގައި އިސްތިއުނާފު ކުރުމަށް ހުށަހަޅާފައިވާ މައްސަލައިގެ ދައުވާ ފޯމު ވެސް ވަނީ ބާތިލްކޮށްފަ އެވެ. ނަމަވެސް އޭނާ ބަންދުން ދޫކޮށްލަން ނިންމި ސަބަބެއް ފުލުހުން އަދި ހާމަކޮށްފައެއް ނުވެ އެވެ.

މިދިޔަ މަހުގެ 18 ވަނަ ދުވަހުގެ ރޭ ގ. ފެންޓޯނިއޯގޭގެ ނުވަ ވަނަ ފަންގިފިލާ އިން ހ. މިޓާޒް ގޭގެ ފުރާޅު މައްޗަށް ޔުމްނު ވެއްޓިފައި އޮއްވާ ފެނިފައި ވަނީ އެ ދުވަހުގެ 07:23 ހާއިރު އެވެ.

ޔުމްނު ވެއްޓުނު މައްސަލައާ ގުޅުވައިގެން ރައުދު ހައްޔަރު ކުރީ މިދިޔަ މަހުގެ 24 ވަނަ ދުވަހުގެ ރެއެވެ.

ފުރާޅެއްގެ މައްޗަށް ޔުމްނު ވެއްޓުނު ރޭ، އޭނާއާ އެކު އުޅުނު އަށް މީހެއްގެ ވަނަވަރު ފުލުހުން ހާމަ ކޮށްފައިވާއިރު އެ މައްސަލައިގައި މިއަދާ ހަމައަށް ހައްޔަރުކޮށްފައި ވަނީ އޭނާ ވެއްޓުނުއިރު، އެ ގޭގައި އޭނާއާ އެކު އުޅުނު ރައުދު އެކަންޏެވެ.

ފުލުހުން