ބީއެމްއެލުން ރަތްމަންދޫ އާއި މަޑުއްވަރީގައި އޭޓީއެމްގެ ހިދުމަތް ފަށައިފި

ބީއެމްއެމްއެލުން މަޑުއްވަރީގައި އޭޓީއެމްގެ ހިދުމަތް ފެށުން --

ބޭންކް އޮފް މޯލްޑިވްސް (ބީއެމްއެލް) އިން ރަތްމަންދޫ އާއި މ. މަޑުއްވަރީގައި ސެލްފް ސާވިސް ބޭންކިން (އޭޓީއެމް) ހުޅުވައި ހިދުމަތްދޭން ފަށްޓައިފި އެވެ.

މި ދެ ރަށުގައި ބޭއްވި ރަސްމިޔާތު ޝަރަފުވެރި ކޮށްދެއްވީ ލޯކަލް ގަވަނެންސް މިނިސްޓަރު އާދަމް ޝަރީފް އުމަރު އެވެ. އަދި މި ދެ ރަސްމިއްޔާތުގައި ބީއެމްއެލްގެ ސީއީއޯ މުހައްމަދު ޝަރީފާއި، ބޭންކުގެ އިސްވެރިންނާއި އެރަށު ކައުންސިލުގެ މެންބަރުންނާއި އަތޮޅަށް ނިސްބަތްވެވަޑައިގަންނަވާ މެންބަރުން ވެސް ބައިވެރިވެވަޑައިގެންނެވި އެވެ.

މާލީ މުހިންމު ހުރިހާ ހިދުމަތް ތަކެއް އެއްތަނަކުން ލިބޭނެ ފަދަ އިންތިޒާމެއް، ރާއްޖޭގެ މީހުންދިރިއުޅޭ ކޮންމެ ރަށެއްގައި ގާއިމު ކުރުމަށް ސަރުކާރުން ކަނޑައަޅާފައިވާ ސިޔާސަތުގެ ދަށުން، ރާއްޖޭގެ މީހުންދިރިއުޅޭ ހުރިހާ ރަށެއްގައި އޭޓީއެމް ބަހައްޓައި އޭޓީއެމްގެ ހިދުމަތްތައް ފޯރުކޮށްދިނުމަށް ޓަކައި ފިނޭންސް މިނިސްޓްރާ އާއި އާއި ބޭންކް އޮފް މޯލްޑިވް އާ ދެމެދު އެއްބަސްވުމެއްގައި ސޮއި ކުރެވުނީ މިދިޔަ އަހަރުގެ ނޮވެމްބަރު 7 ވަނަ ދުވަހު އެވެ.

ބީއެމްެއެލް އޭޓީއެމް