ޒުވާން ހަތީބުން ޕްރޮގުރާމުގެ ތިން ވަނަ ބުރުގެ އިންޓަވިއު ފަށައިފި

ޒުވާން ހަތީބުން ޕްރޮގްރާމްގެ އިންޓަވިއު ކުރަނީ --

ޒުވާން ހަތީބުން ޕްރޮގްރާމުގެ ތިން ވަނަ ބުރުގައި ބައިވެރިވި ފަރާތް ތަކުގެ އިންޓަވިއު މާލޭގައި ފަށައިފި އެވެ.

އިސްލާމިކް މިނިސްޓްރީން ބުނީ މި ޕްރޮގްރާމްގެ ތިން ބުރުގައި ބައިވެރިވުމަށް 338 ފަރާތަކުން ފޯމު ހުށައަހަޅާފައިވާ ކަމަށާއި ނަމަވެސް ޝަރުތު ހަމަވެފައިވަނީ 269 ފަރާތަކުން ކަމަށެވެ.

މި އިމްތިހާނުން ފާސްވާ ފަރާތްތަކަށް ސަނަދު ދިނުމުގެ ކުރިން ހާއްސަ ތަމްރީނު ތަކެއް ކުރިއަށް ގެންދާނެ އެވެ. މި ތަމްރީނުތައް ދެއްވާނީ ރާއްޖޭގެ ފުންނާބު އުސް އިލްމުވެރިންނެވެ.

ޒުވާން ހަތީބުން ޕްރޮގްރާމަކީ ގްރޭޑް 10، 11 އަދި 12 ގައި އުޅޭ ދަރިވަރުންނަށާއި ސުކޫލް ނިމިފައިވާ ދަރިވަރުންނަށް ހުކުރު ކުރުމުގެ ހުއްދަ ދިނުމަށް އިންތިޒާމު ކުރެވިފައިވާ ޕްރޮގްރާމެކެވެ.

މި ޕްރޮގްރާމްގެ ތެރެއިން ހަތީބުންނަށް ޚުތުބާ ކިޔުމާއި އިމާމުވެ ނަމާދު ކުރުމާއި ދީނާ ގުޅުން ހުރި އެހެން ބައެއް ދާއިރާ ތަކުން ހާއްސަ ތަމްރީނުތަކެއް ދެވޭނެ އެވެ.

މި ޕްރޮގްރާމަކީ ރައީސް ޑރ. މުޙައްމަދު މުޢިއްޒުގެ އިރުޝާދުގެ ދަށުން އިސްލާމިކް މިނިސްޓްރީން ކުރިއަށް ގެންދާ ޕްރޮގްރާމެކެވެ.

އިސްލާމިކް މިނިސްޓްރީ ޒުވާން ހަތީބުން