ފީނަން އުޅެނިކޮށް ލޯންޗަކުން ޖެހި ބުރިވި އަތް ނުފެނުނު

ކަނޑުމަތީ ފުލުހުން ހަރަކާތްތެރިވަނީ --

ނ. އަތޮޅުގައި ހިންގާ ރިސޯޓެއްގެ ނެރު ކައިރީ ފީނަން އުޅެނިކޮށް ލޯންޗަކުން ޖެހި އަނިޔާވި މީހާގެ ބުރިވި އަތް ދެ ފަހަރެއްގެ މަތިން ބަލައިގެން ވެސް ނުފެނުނު ކަމަށް ފުލުހުން ބުނެފި އެވެ.

މި ހާދިސާ ހިނގާފައި ވަނީ މި މަހުގެ 12 ވަނަ ދުވަހުގެ ރޭ 10:30 ހާއިރު އެވެ.

ފުލުހުން ބުނީ ފީނަން އުޅުނު ބައެއްގެ ތެރެއިން އަތް ބުރިވެފައި ވަނީ ބަންގްލަދޭޝް މީހެއްގެ ކަމަށެވެ.

މި މައްސަލައާ ގުޅިގެން ހާދިސާ ހިނގި ސަރަހައްދު ދެ ފަހަރެއްގެ މަތީން ބަލައި ފާސްކުރެވިފައިވާ ކަމަށާއި ނަމަވެސް އަނިޔާ ލިބުނު މީހާގެ ބުރިވި އަތް ފެނިފައިނުވާ ކަމަށް ފުލުހުން ބުންޏެވެ.

މި މައްސަލައިގެ ތަހުގީގުގައި އެ ލޯންޗުގެ ކެޕްޓަން ހިމެނޭހެން ގިނަ އަދަދެއްގެ މީހުންނާ ސުވާލު ކުރެވި ބަޔާން ނަގާފައިވާ ކަމަށް ފުލުން ބުނެފައިވެ އެވެ. ނަމަވެސް މައްސަލައާ ގުޅިގެން އަދި މިހާތަނަށް މީހަކު ހައްޔަރެއް ނުކުރެ އެވެ.

ފުލުހުން ބުނީ ތަހުގީގަށް ފުރިހަމަ ކުރަންޖެހޭ ބައެއް ކަންކަން ފުރިހަމަ ކުރުމަށްފަހު، ފިޔަވަޅު އަޅަންޖެހޭ ފަރާތްތަކާ މެދު ފިޔަވަޅު އަޅާނެ ކަމަށެވެ.

ފުލުހުން