މުލީ ރީޖަނަލް ހޮސްޕިޓަލް އިމާރާތުގެ އަމަލީ މަސައްކަތް ރައީސް ފައްޓަވައި ދެއްވައިފި

މުލީ ރީޖަނަލް ހޮސްޕިޓަލްގެ އައު އިމާރާތުގެ އަމަލީ މަސައްކަތް ފެށުން — ފޮޓޯ/ ރައީސް އޮފީސް

ރައީސް ޑރ. މުޙައްމަދު މުއިއްޒު، މުލީ އެއާޕޯޓު ހުޅުވުމަށް އެ ރަށަށް ކުރައްވާ ދަތުރުފުޅުގެ ތެރެއިން، މ. މުލީ ރީޖަނަލް ހޮސްޕިޓަލުގެ އައު އިމާރާތުގެ އަމަލީ މަސައްކަތް ފައްޓަވައި ދެއްވައިފި އެވެ.

އެ މަނިކުފާނު މި މަޝްރޫއު ފައްޓަވައި ދެއްވީ މިއަދު މުލީގައި އެ ކަމަށް ހާއްސަކޮށް، ކުރިއަށް ގެންދިޔަ ރަސްމިއްޔާތެއްގަ އެވެ.

މުލީ ރީޖަނަލް ހޮސްޕިޓަލުގެ އައު އިމާރާތުގެ މަޝްރޫއު ކުރިއަށް ގެންދިއުމަކީ ރައީސްގެ ރިޔާސީ ވައުދެކެވެ.

މި މަޝްރޫއުގެ ތެރެއިން އެޅުމަށް ހަމަޖެހިފައި ވަނީ 4 ބުރީގެ ޒަމާނީ ފެންވަރުގެ ހޮސްޕިޓަލެކެވެ. މި އިމާރާތް ބިނާ ކުރުމުގެ މަސައްކަތް ހަވާލު ކޮށްފައިވަނީ އެމްޓީސީސީއާ އެވެ. މި މަސައްކަތް ނިންމުމަށް ކޮންޓްރެކްޓުގައި ވަނީ 780 ދުވަހުގެ ތެރޭގަ އެވެ.

މުޅި މަޝްރޫއު ނިމޭނެ ކަމަށް ލަފާ ކުރެވެނީ 2027 ވަނަ އަހަރުގެ މެދެއްހާ ހިސާބުގަ އެވެ.

ރައީސް އޮފީހުން ބުނީ މި މަޝްރޫއު ނިމުމުން މުލީގެ އިތުރުން އެ އަތޮޅުގެ ގިނަ ރަށްރަށަށް ސިއްހީ ހިދުމަތް ހޯދުމުގައި ފަސޭހަ ތަކެއް ލިބިގެންދާނެ ކަމަށެވެ.

ރައީސް ޑރ މުޢިއްޒު