ރައީސް، ދުންފަތް މަނާ ކުރަން ކުރައްވާ މަސައްކަތަށް ޑަބްލިއުއެޗްއޯގެ ހާއްސަ އެވޯޑެއް

ރައީސުލްޖުމްހޫރިއްޔާ ޑރ. މުޙައްމަދު މުއިއްޒު -- ފޮޓޯ/ ރައީސް އޮފީސް

ރާއްޖޭގައި ދުންފަތް ކޮންޓްރޯލު ކުރުމަށް ރައީސް ޑރ. މުޙައްމަދު މުއިއްޒު ކުރެއްވި މަސައްކަތާ ގުޅިގެން ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) ގެ ޑިރެކްޓާ ޖެނެރަލްގެ ހާއްސަ އެވޯޑެއް، އެމަނިކުފާނަށް ދެއްވައިފި އެވެ.

ރައީސަށް މި އެވޯޑް އެރުވީ ރާއްޖޭގައި ދުންފަތް ކޮންޓްރޯލް ކުރުމަށާއި ދުންފަތުން ދުރު ކުރެވިފައިވާ ޖީލެއް އުފެއްދުމަށް ގެންގުޅުއްވާ ސިޔާސަތު ތަކުގެ ސަބަބުން މީހުން ދުންފަތުން ސަލާމަތް ކުރެވި، ސިއްހަތު ރަނގަޅު ޖީލެއް ބިނާ ކުރެވޭނެތީ، އެ ކަމުގެ އަގު ވަޒަން ކުރުމުގެ ގޮތުންނެވެ.

ރާއްޖޭގައި ހާއްސަކޮށް، ޒުވާނުން ދުންފަތުގެ ނުރައްކަލުން ސަލާމަތް ކުރުމަށް ރައީސް އަޅުއްވާ ފިޔަވަޅުތައް ޑަބްލިޔުއެޗްއޯއިން ފާހަގަ ކުރި އެވެ.

އަދި ރާއްޖޭގައި ޖެނެރޭޝަނަލް ބޭން ގެނައުމަށް އެ މަނިކުފާނު ކުރައްވާ މަސައްކަތް ވެސް އެ ޖަމުއިއްޔާގެ ދެކުނުއޭޝިއާ ސަރަހައްދުން ވަނީ ބަލައިގެންފަ އެވެ. އެގޮތުން އެއީ މި ސަރަހައްދުގައި ޖެނެރޭޝަނަލް ބޭން ގެންނަން ނިންމި ފުރަތަމަ ގައުމެވެ.

ރާއްޖޭގައި މިހާރު ވޭޕް މަނާ ކޮށްފައިވާއިރު، ދުންފަތުގެ ޑިއުޓީ ބޮޑުކޮށް 2007 ވަނަ އަހަރުން ފެށިގެން އުފަންވި ފަރާތްތަކަށް ދުންފަތުގެ އިސްތިއުމާލު ނުކުރެވޭ ގޮތަށް ޖެނެރޭޝަން ބޭންއެއް މިހާރު ވަނީ ކަނޑައަޅާފަ އެވެ.

ރައީސް ޑރ މުޢިއްޒު