އޯއައިސީގެ ސެކްރެޓަރީ ޖެނެރަލް، ރައީސްގެ އަރިހަށް އިހުތިރާމުގެ ޒިޔާރަތެއް ކުރައްވައިފި

އޯއައިސީގެ ސެކްރެޓަރީ ޖެނެރަލް ރައީސްގެ އަރިހަށް އިހުތިރާމުގެ ޒިޔާރަތެއް ކުރެއްވުން -- ފޮޓޯ/ ރައީސް އޮފީސް

އޯގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) ގެ ސެކްރެޓަރީ ޖެނެރަލް، ހިސެން ބްރާހިމް ތާހާ، ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ އަރިހަށް އިހުތިރާމުގެ ޒިޔާރަތެއް ކުރައްވައިފި އެވެ.

ރައީސުލްޖުމްހޫރިއްޔާގެ އޮފީހުގައި މިއަދު މެންދުރު ކުރިއަށް ގެންދެވި މި ބައްދަލު ކުރެއްވުމުގެ ތެރެއިން ރައީސް ދެއްކެވި ވާހަކަފުޅުގައި، އޯއައިސީން ރާއްޖެއަށް ދެމުން އަންނަ އެއްބާރުލުމަށް ތައުރީފު ކުރައްވައި، އެ ޖަމުއިއްޔާގެ ހަރުދަނާ ލީޑަޝިޕަށް ވެސް ތައުރީފު ކުރެއްވި އެވެ.

އޯއައިސީގެ ސެކްރެޓަރީ ޖެނެރަލް ވަނީ، ރާއްޖެއަކީ އޯއައިސީގެ މެމްބަރު ގައުމު ތަކުގެ ތެރެއިން އެންމެ ފާހަގަ ކޮށްލެވޭ އެއް ގައުމުގެ ގޮތުގައި ސިފަ ކުރައްވައި، ރާއްޖޭގައި ގާއިމު ކޮށްފައިވާ މުއައްސަސާތަކާ މެދު ފަހުރުވެރިވެވަޑައިގަންނަވާ ކަމުގައި ވިދާޅުވެފަ އެވެ.

މި ބައްދަލު ކުރެއްވުން ނިންމަވާލައްވަމުން، ރައީސް އާއި އޯއައިސީގެ ސެކްރެޓަރީ ޖެނެރަލް ވަނީ، އިސްލާމީ މުޖުތަމައުގެ ލާބައާއި މަންފާއަށް ޓަކައި ދެ ފަރާތުން އަބަދު ވެސް އެއްބާރުލުން ދޭނެ ކަމުގެ ޔަގީންކަން އަރުވާފަ އެވެ.

ރައީސް ޑރ މުޢިއްޒު