އެކްސިޑެންޓެއްގައި ބޮލަށް އަނިޔާވި އަންހެނަކަށް ފަރުވާދެނީ

އައިޖީއެމްއެޗް -- ފޮޓޯ/ އެޓޯލް ޓައިމްސް

ގދ. ތިނަދޫ ސިޓީގައި ކާރަކާއި ސައިކަލެއްޖެހި، ހިނގި އެކްސިޑެންޓެއްގައި އަނިޔާވި އަންހެނަކަށް އައިޖީއެމްއެޗުގައި ފަރުވާ ދެމުން އަންނަ ކަމަށް ފުލުހުން ބުނެފި އެވެ.

ތިނަދޫގެ ކުރީގެ ހުކުރު މިސްކިތް ކައިރިން މި އެކްސިޑެންޓު ހިނގައިގެން އުޅޭ ކަމުގެ ރިޕޯޓު ލިބިފައި ވަނީ އޭޕްރީލް 27 ވަނަ ދުވަހުގެ 15:47 ހާއިރު ކަމަށް ފުލުހުން ބުންޏެވެ.

ފުލުހުން ބުނީ އެކްސިޑެންޓުގައި ސައިކަލް ދުއްވަން އިން އަންހެންމީހާގެ ބޮލަށް ލިބިފައިވާ އަނިޔާގެ ސަބަބުން، ހޮސްޕިޓަލްގެ އައިސީޔޫގައި ފަރުވާދިނުމަށްފަހު، އެމަޖެންސީގައި ހަމަ އެ ރޭ މާލެ ގެނެސް، މިވަގުތު ފަރުވާދެމުން އަންނަނީ އައިޖީއެމް ހޮސްޕިޓަލުގައި ކަމަށެވެ.

އާއިލާއާ ހަވާލާދީ ފުލުހުން ބުނިގޮތުގައި އެ އަންހެންމީހާގެ ހާލު އަންނަނީ ރަނގަޅުވަމުންނެވެ.

އެކްސިޑެންޓުގައި ކާރު ދުއްވި މީހާ ހާޒިރުކޮށް، ތަހުގީގުގައި ސުވާލުކޮށްފައިވާ ކަމަށް ފުލުހުން މައުލޫމާތު ދެއެވެ.

މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.

ފުލުހުން އެކްސިޑެންޓް